Setmana plan cargada tà la POP

29 novembre 2015  Societat

Polícia Occitana de Proximitat

Aquesta setmana, la Polícia Occitana de Proximitat que miè hèra accions en l’encastre de l’estat d’urgéncia.

La Polícia Occitana de Proximitat non caumè pas aquesta setmana. Après los atemptats, que’u calè miar uas accions antiterroristas d’urgéncia. La purmèra qu’estó ua perquisicion dens tots los maines de produccion de vin deu juransonés. Que’s sasín de haut o baish 2500 botelhas suspèctas.
(suite…)

La marca LEGO® ataca l’OPLO en justícia

17 novembre 2015  Lenga

Duplo

Es una nòva venguda del monde judiciari que marquèt la suspresa e la naissença del tot novèl OPLO.

De fach, aqueste matin foguèt portada al grafi del tribunal de Tolosa una denóncia per « Contrafaiçon, violacion del còdi de la proprietat intellectuala e concurréncia desleiala » pels avocats franceses de la famosa marca de joguets de construccion danesa LEGO®.
(suite…)

William Perez : mesa en examèn imminenta

2 novembre 2015  Cultura, Societat

William Perez

Lo cantaire William Perez, escapat dels Estats Units, poiriá èsser mes en examèn per trafic internacional.

Rampèl dels faits : lo cantaire conegut William Perez es estat interpelat a Atlanta, en possession de doas valisas de CD de Du Bartas, tre la davalada de son avion en provenéncia de China. Per l’intermediari de son avocat, aviá pretendut que lo contengut de las valisas li èra desconegut, e que qualqu’un aviá segurament plaçats los CD a son insú.
(suite…)

Micrò-trepador de la manifestacion de Montpelhièr

28 octobre 2015  Lenga, Politica

Manifestacion Anem Òc

Manaset a reculhit lo vejaire d’occitanistas, coneguts o non, sus la manifestacion de dissabte passat.

Pendent la manifestacion Anem Òc, Manaset a mandat una còlha bèla de jornalistes per entrevistar de personalitats sus lor vejaire. Vaquí lo resultat de nòstre trabalh de desinformacion.
(suite…)

Le Zizi

18 octobre 2015  Criticas de cantaires

Pierre P.

Pèire P, de Castelsarrazin, nos fa parvenir un tèxt titolat « Le Zizi ».

Mon car Pèire. Nos semblas un pauc coquinàs per ton atge. Pensam que jògas al rugbi e qu’amb los companhs, en fin de match, passatz lo repertòri tot de « Trois orfèvres » fins a « la grosse b.. a Dudule ». Mas aqui, sias pas dins la sala del club un dissabte de victòria. Te cal faire un esfòrç. (suite…)

Una adaptacion a l’ecran de « Fotrairòl » de Sèrgi Viaule

5 octobre 2015  Cultura

Fotrairòl

Tanlèu lo recuèlh de novèlas paregut, Piget Pr0n a decidit de ne faire l’adaptacion televisuala.

Realizator, productor, fondador de Piget Pr0n, Anick Vedèl es un personatge exigent, perseverant, e que porgís un trabalh de qualitat. En collaboracion amb Sèrgi Viaule, ven de lançar lo filmatge de l’adaptacion tele de son darrièr recuèlh de novèlas eroticas en occitan : « Fotrairòl ». Aquò ven a la seguida de la darrièra realizacion de Piget Pr0n, « Còp de Quica », difusada sus França 3, que conta en vint episòdis la fornicacion en Occitania entre los sègles IXen e XIIIen.
(suite…)