Non classé

Escop : D’aprèp France Info, Manaset versariá dins la vertadièra informacion 

4 novembre 2017

Los jornalistas, redactors e lo personal tot de Manaset prenon lor mestièr de desinformators amb tant de seriós coma los legeires son en dreit de l’esperar.
Es per aquò que, d’avança, nos desencusam per aquesta vertadièra infomacion, que serà la primièra e demorarà la darrièra, ne fasèm la promessa formala.
Lo jornal escrit de Manaset es arrestat dempuèi la fin de 2015.
Nos podètz trapar regularament sus la cadena Oc-tele dins un jornal televisat de vertadièra falsa informacion. Tota semblança amb la realitat es de segur una vista de la vòstra imaginacion.

Agachar lo jornal

Un usatgièr ganha son procès contra la societat Autoroutes du Sud de la France

9 mars 2015

Autoroute du Soleil

Lois Pergaud ven de ganhar devant lo TGI de Lion lo procès qu’aviá intentat contra aquesta societat a la seguida d’una batesta d’expèrts scientifics.

Lois Pergaud es de Marselha mas sa societat l’a mudat a Lion. Cada dimenge, pren l’autopista per rejóner son luòc de trabalh. L’autorota A7, qu’utilisa, se sona « Autorouta del Solelh ». Cada setmana, aquela apelacion l’embufaba que, el, a mesura qu’avançava, trapava lo marrit temps.
(suite…)

Comunicat del comitat « Anèm Òc lo Tornar »

5 février 2015

Anem Òc

Davant lei fenomèns de regression e lo perilh de mai en mai gròs que menaça la lenga, la « Coordinacion per la lenga occitana » rampèla a una granda mobilizacion per l’occitan lo dissabte 24 d’octòbre de 2015.

Las Calandretas se traparàn davant lo rectorat de Montpelhièr per reclamar de pòstes pel secondari. L’IEO menarà al Clapàs una manifestacion colorada e musicala entre l’ostal Pèire d’Aragon e l’estatua de l’Abat Fabre darrièr la glèisa Sant Roch. Lo febrilitge farà una manifestacion en costum folclorics animada per de grops de Galobet Tambotin a Malhana.
(suite…)

Sortida explosiva del libre d’Alienor de Bigòrra

8 septembre 2014

Mercés per aquel moment

Se cresiá pas que l’anava sortir, mas ba fa. Alienor prometèt de revelacions mai que tarriblas que fariàn tremolar tota la classa politica occitana. Nos deçaup pas.

Sens crenta, l’anciana primièra dòna d’Occitània nos liura un libre confession, sens tabó, a flor de pèl. Manaset ne vos prepausa d’extraits exclusius.
(suite…)

Los eiretièrs de Loïs Alibert pòrtan lo planh contra cinc acadèmias de la lenga occitana

1 septembre 2014

Tribunal

A la seguida d’un article paregut en cò d’un concurrent nòstre, los descendents de Loïs Alibert, l’autor del diccionari referent de l’occitan estandard, pòrtan lo planh per arcelament sexual e viòl en reünion.

Es un article del lingüiste plan conegut D.S. que lancèt l’afar, o puslèu la frasa de l’article en question : « Tota “acadèmia” que se lança dins una violacion d’Alibèrt e del CLO s’autoexclutz del trabalh seriós. »
(suite…)

Los intermitents menaçan de tornar far la Santo Estello

26 juin 2014

Santo Estello

Per protestar contra la reforma del regime d’intermiténcia, los manifestants brandissan una novèla menaça : tornaràn organizar una seconda Santo Estello.

Es la panica a l’Elisèu. Se las perturbacions del festenal Rio Loco de Tolosa, o encara la risca d’anullacion del festenal d’Avinhon, avián pas capitat a far plegar lo govèrn a prepaus de la reforma del lor caumatge, los intermitents son pas jamai estats tan près de capitar.
(suite…)