Politica

Capitalas regionalas : la causida

13 avril 2015

Camplong d'Aude

Es anonciat per nòstres confraires del Figarò, la regions an decidit de lors capitalas futuras.

Mai d’un mediá l’an revelat, la causida es faita per la màger part de las regions. Cap de suspresa per Bordèu, Marselha o Lion. Es per la region Lengadòc – Rosselhon – Miègjorn – Pirenèas – Occitania – Centrala que la batèsta foguèt regda. Lo president de Miègjorn Pirenèas Dupont Calvi e lo de Lengadòc Rosselhon Kevin Panari se recampèron pendent sièis jorns sens parvenir a un acòrdi.
(suite…)

Comunicat deu comitat Hilh De Puta (HDP)

8 avril 2015

Planvienuts en Duponia occidentau

Manaset qu’a recebut un comunicat deu comitat Hilh de Puta a la seguida de las eleccions departamentaus.

« Arron lo plebiscite obtienut a las eleccions departamentaus deu Bernard Dupont, ajudat en massa peus electors de tota la gran familha de dreta dura, lo comitat HDP que s’interòga de cap tà l’anexion de territòris vesins deu reiaume de Duponia dejà plan granàs.
(suite…)

Un verbal pels que participan pas als balètis e concèrts occitans

16 mars 2015

Balèti

Un sondatge recent a mostrat que la participacion als concèrts e balètis occitans èra en baissa dins mai d’un endreit. Per i remediar, lo deputat Guilhèm Lapigresa vòl prepausar una lei novèla.

Es en parlant amb lo president del grop EELV que n’a aguda l’idèa. « Sovent, çò ditz, las gents van pas veire de grops occitans per canha, perque aiman mai agachar la television o perque causisson de partir en vacanças just al moment ont un eveniment occitan se debana pròche lor ostal.
(suite…)

Lo calendièr escolar 2015-2016 modificat a la demanda del sindicat del torisme montanhard

5 mars 2015

Esquí

Lo govèrn modifica lo calendièr de las vacanças escolaras per s’adaptar a las condicions climaticas.

Coma l’a fait remarcar Laurent Fabius, lo torisme montanhard patís dempuèi d’annadas de vacanças de printemps tròp tardièras per faire lo plen, vist l’ennevament e doncas las reservacions. Lo calendièr a venir ne tendrà compte.
(suite…)

Exclusivitat Manaset : un apondon al programa del Front de G’Auch

21 février 2015

Acordeonista

Manaset a entrevistat en exclusivitat lo cap de fila del Front de G’Auch per conéisser melhor son programa.

Las linhas bèlas del programa son ja conegudas e reveladas per nòstres confraires de La Setmana. Mas unas son demoradas secretas, e Manaset a capitat de las descobrir, al cors d’una serada costosa en Armanhac.
(suite…)

L’aficha que fa polemica a Besiers

13 février 2015

Désormais, Ménard a un nouvel ami

La populacion de Besièrs aguèt la suspresa de veire aquela aficha dins la vila tota. Confession o provocacion ?

Digús compren pas lo perqué d’aquela aficha, mas a ja fait lo torn de las mèdias. La polícia se refusa a tota declaracion. Manaset enquistarà e vos tendrà al corent.
(suite…)