Lenga

La marca LEGO® ataca l’OPLO en justícia

17 novembre 2015

Duplo

Es una nòva venguda del monde judiciari que marquèt la suspresa e la naissença del tot novèl OPLO.

De fach, aqueste matin foguèt portada al grafi del tribunal de Tolosa una denóncia per « Contrafaiçon, violacion del còdi de la proprietat intellectuala e concurréncia desleiala » pels avocats franceses de la famosa marca de joguets de construccion danesa LEGO®.
(suite…)

Micrò-trepador de la manifestacion de Montpelhièr

28 octobre 2015

Manifestacion Anem Òc

Manaset a reculhit lo vejaire d’occitanistas, coneguts o non, sus la manifestacion de dissabte passat.

Pendent la manifestacion Anem Òc, Manaset a mandat una còlha bèla de jornalistes per entrevistar de personalitats sus lor vejaire. Vaquí lo resultat de nòstre trabalh de desinformacion.
(suite…)

Un atemptat evitat de justesa a l’universitat Paul Valeri

24 août 2015

Universitat Paul Valéry

Un terrorista plan preparat e decidit es estat mestrejat al moment de cometre son atemptat, mercé al coratge de dos estudiants del MEBOC.

Es en plen amfi, al moment d’un cors sus la literatura occitana del sègle 20, que lo terrorista se levèt per perpetrar son malfait. Urosament, dos estudiants del Meboc, desrevelhats per un còp, ausiguèron lo malfactor que repetava a votz baissa « degunalitat degunalitat ». Son intencion èra segurament de getar aquesta panoccitanitat a las aurelhas dels paures estudiants occitans, que la risca de traumatisme es grandarassa, sens parlar dels professors presents dins la sala.
(suite…)

Manaset pren de vacanças

14 août 2015

Vacanças

Manaset es en vacanças. Los articles pareisseràn doncas quand aquò nos farà plaser, e non pas amb la regularitat qu’i sètz acostumats.

Manaset ten a se desencusar alprèp de sos legeires mas, coma totes trabalhadors, los jornalistas de desinformacion an dreit a se pausar, quitament se la falsa informacion non cessa pas de ne pas circular !
(suite…)

Caumaci : las associacions occitanas paralisadas

4 juillet 2015

Caumaci

Amb lo caumaci, los dirigents de las associacions occitanistas an conegut una epidèmia d’indisposicions qu’an obligat totas las activitats a s’arrestar pendent una setmana.

Es un efièit segondari de la nauça de la mejana d’atge en cò dels burèus de las associacions occitanistas (que son compausats uèi, o rapelam, a 85% de personas de mai de 70 ans). Amb la calorassa d’aquesta debuta d’estiu, una granda part d’aqueles vièlhs foguèron indispausats e obligats de renonciar a tota activitat.
(suite…)

La PARMOC organiza ongan la 39ena Universitat Occitana d’Estiu de Nimes

2 juillet 2015

UEO de Nimes

L’universitat se tendrà al centre GORAFI al mes de julh. La tematica : l’occitan dins totes sos estats.

Avèm enfin lo programa complet de l’universitat. Vaquí la tièra de las conferéncias :
(suite…)