Sciéncia

I a de traças d’aiga liquida dins la garganta de Marc, çò confirma la NASA

29 septembre 2015

Garganta de Marc

L’agéncia americana publica uèi un estudi scientific que sa conclusion n’es que i auriá de pròbas que d’aiga liquida rajariá de còps que i a dins la garganta de Marc.

Fa de meses que Marc L., estajant de Labastide-Esparbeirenque dins Aude èra espiat per la sonda americana Observer. La rumor sisclava dempuèi qualque temps : aqueste auriá agut beguda d’aiga liquida pura. A l’ora d’ara, es confirmat oficialament per un estudi incontestable de l’agéncia d’otramargranda : la preséncia d’aiga liquida es segura.
(suite…)

Alergèns potencials : son presents de pertot

16 avril 2015

Mocatge

Fàcia a aquel constat alarmant, Sanofi, en partenariat amb Manaset, lança una campanha bèla de prevencion de las allergias.

Un estudi recent l’a provat : unes allergèns que consumam dins nòstra alimentacion quotidiana se pòdon retrobar dins las divèrsas secrecions umanas. En particulièr, los cercaires an detectat mai de 50 productes classats allergèns per l’OMS dins l’espèrma de qualques individus seguits, e de traças mai raras mas plan presentas dins la màger part dels escapolons testats.
(suite…)

Eclipsi solara deu 20 de març : causissetz bonas clucas de proteccion

19 mars 2015

Eclipsi

Que’s cau imperativament protegir los uelhs. Clucas especiaus que seràn concebudas tau Bearn.

Lo 20 de mars, ua eclipsi de sorelh que serà vededera sus ua grana part deu territòri francés.
Lo site « ciel et espace » que conselha de prevesí’s clucas especiaus.
(suite…)

RepBlock Pus, un modul novèl de telecargar d’urgéncia

11 mars 2015

Repblock

Es un modul novèl que se ditz RepBlock Pus, diponible pels navigadors mai corrents, qu’es tre ara a disposicion dels internautes occitans.

La societat Eieu ven de metre al punt un modul fòrça interessant que se sona RepBlock Pus. Aquel modul s’installa sus lo navegador internet e permet de blocar los repapiatges. Aital, los mèls, facebook e sites internet son desbarrassats de totas las garrolhas, parladissas, barjacariás, pelejas, controversassas, polemicas, bregas, contèstas, barralhas, embrolhs, contestas, bagarras, pica-bonets, bregas, garguilhs, chicanas, e subjèctes de malganha.
(suite…)

Racamel que lança capsulas tà cagar occitan

21 janvier 2015

Capsulas Racamel

Despuish quauques mes, que’s pòden crompar sus internet capsulas tà har cacàs dab palhetas. Racamel qu’a seguit la mòda e que perpausa aus occitans de cagar roge e jaune.

« Qu’èi vist de tira que i avè un mercat a préne », çò explica Dinars Encornet. « Afirmar la soa identitat en cagant qu’ei quauquarren qui’n calèva pas passar a costat ». La holia deus cacàs dab palhetas, qu’a balhat ideas au patron de la purmèra enterpresa occitana.
(suite…)

Lo burn out reconegut coma malautiá professionala : implicacions dins lo mitan occitan

11 décembre 2014

Burn-out

Tanlèu la novèla coneguda, lo sindicat GCT dels trabalhaires occitan s’es inquietat de saber cossí aquò se podiá aplicar al nòstre mitan, e a interrogat las estructuras concernidas.

Lo Congrés Permanent de la Lenga Occitana a sul pic mes l’afar entre las mans dels lingüistes, que se pòt pas reconéisser una malautiá que se trapa pas dins lo diccionari. Aquestes van metre lèu en plaça una comission que rendrà un rapòrt corent 2016.
(suite…)