Ensenhament

Quin ligam entre pòrt de blòda e aprendissatge de la lectura ?

2 juin 2014

Blòda

En posant dins son experiéncia personala, lo conse de Besièrs Robert Ménard a fait lo ligam entre lo fait de portar una blòda e la capacitat a apréner a legir.

Après lo metòde global e lo metòde alfabetic, es un novèl biais d’aprene a legir que ven d’èstre mes al punt a Besièrs. D’efièit, lo conse Robert Ménard es convençut que lo fait de portar una blòda permet als enfants de legir melhor. Manaset a enquistat dins lo passat de l’òme per compréner melhor las originas d’aquela teoria.
(suite…)

Calandreta crompat per un fonds de pension american

30 mai 2014

Calandreta

Las escòlas immersivas occitanas son ara endralhada cap a l’economia borsièra.

Lo grop american d’investiment Fidelity Investment a contactat la federacion Calandreta. An l’intencion de faire de Calandreta una Societat Anonima quotada en borsa e d’investir una soma qu’avèm pas poscuda conéisser. Lo president Joan Marc Blanquet vendriá president del « Group for Active and Imersive Pedagogia » e encargat de n’assegurar lo desvolopament internacional.
(suite…)

Calandreta reforma sos ritmes escolars

10 mai 2014

Pescajon

Après las escòlas publicas, son las escòlas immersivas que tornan acapçar lors ritmes escolars. Prepausaràn d’activitats periescolaras coma l’entraïnament a la manifestacion e la cosina de pescajons.

Del meteis biais que l’escòla publica, dins la quala los ministres vòlon formar los ciutadans de deman, Calandreta a decidit de profitar de la reforma dels ritmes escolars per preparar los calandrons a venir de bons occitanistas.
(suite…)

Universitat de Tolosa Le Mirail : lo professor èra mòrt dempuèi 3 ans

9 mai 2014

Cors d'universitat

Los estudiants espantats an aprés que lo sénher Letrabel, que balhava un cors de filosofia dins l’encastre de la licéncia de letras classicas èra defuntat fa tres ans.  Lo cors continhuava de se dabanar e pel moment, se sap pas quin a beneficiat de la situacion. Una enquista es dobèrta.

« Los cors se fasián coma de costuma, nos fisa Magalia, estudianta en L3. Me sembla pas qu’èran mens vius qu’abans. Coma l’aviá totjorn fait, lo professor recitava son cors puèi los estudiants quitavan l’amfi sens pausar de questions que degun i respond pas jamai. »
(suite…)

La Setmana que lança ua formacion taus jornalistas parisians

8 mai 2014

Formacion

La Setmana, dab lo son títol de sol e melhor setmanèr d’informacions en occitan, que lança ua formacion au jornalisme provinciau taus mèdias parisians.

Tots los lectors e auditors provinciaus qu’an dejà avut a sofrir de la dificultat d’aver informacions non-parisianas suus mèdias nacionaus. La Setmana qu’a decidit de s’atacar ad aqueth problèma en perpausant ua formacion aus jornalistas parisians sus la premsa taus provinciaus.
(suite…)

Lo CFPO de Besièrs experimenta un « percors verbal »

27 avril 2014

Pompas

Lo centre de formacion besierenc a desvolopat un novèl biais d’ensenhar la lenga.

Es una experiéncia pedagogica inedita : dins lo pargue de l’ostal de la vida associativa, lo CFPO de Besièrs a installat un percors d’un tipe particular : sul modèl dels percors santat, 15 talhièrs ritmaràn lo progression ; mas cada talhièr combina activitat fisica e estudi d’un punt de conjugason.
(suite…)