Aquesta setmana, la Polícia Occitana de Proximitat que miè hèra accions en l’encastre de l’estat d’urgéncia.
La Polícia Occitana de Proximitat non caumè pas aquesta setmana. Après los atemptats, que’u calè miar uas accions antiterroristas d’urgéncia. La purmèra qu’estó ua perquisicion dens tots los maines de produccion de vin deu juransonés. Que’s sasín de haut o baish 2500 botelhas suspèctas.
(suite…)
Lo cantaire William Perez, escapat dels Estats Units, poiriá èsser mes en examèn per trafic internacional.
Rampèl dels faits : lo cantaire conegut William Perez es estat interpelat a Atlanta, en possession de doas valisas de CD de Du Bartas, tre la davalada de son avion en provenéncia de China. Per l’intermediari de son avocat, aviá pretendut que lo contengut de las valisas li èra desconegut, e que qualqu’un aviá segurament plaçats los CD a son insú.
(suite…)
Manaset a capitat d’obténer en exclusivitat la una del Journal de Béziers del mes venent
Après un numèro de setembre sus la menaça migranta titolat « Ils arrivent ! », lo jornal de Besièrs denóncia encara un còp los dangièrs als quals los estatjants de la vila son expausats e torna afirmar la volontat de la municipalitat de los protegir.
(suite…)
Un terrorista plan preparat e decidit es estat mestrejat al moment de cometre son atemptat, mercé al coratge de dos estudiants del MEBOC.
Es en plen amfi, al moment d’un cors sus la literatura occitana del sègle 20, que lo terrorista se levèt per perpetrar son malfait. Urosament, dos estudiants del Meboc, desrevelhats per un còp, ausiguèron lo malfactor que repetava a votz baissa « degunalitat degunalitat ». Son intencion èra segurament de getar aquesta panoccitanitat a las aurelhas dels paures estudiants occitans, que la risca de traumatisme es grandarassa, sens parlar dels professors presents dins la sala.
(suite…)
Cinc rasetaires son estats meses en garda a vista a Lunèl a la seguida d’escotas telefonicas.
Los servicis de la DGSI susvelhan de pròche la populacion de Lunel, que la majoritat es sus escota telefonica. Es a la seguida d’aquò que cinc rasetaires foguèron interpellats ièr de matin a lor domicili. Lo program informatic aviá relevat dins las conversas un molon de mots estrangièrs que foguèron preses per un còdi mascant la mesa en plaça d’una accion terrorista : bandido, abrivado, aglan, coucardo, Pescoluno, Erdibiou.
(suite…)
