Espòrt

Las sandalas Tong interditas en balèti

13 juillet 2015

Tongs

A la seguida d’un accident recent susvengut al cors d’una borrèia, lo parlament a adoptat una lèi pel mejan de l’article 49-3. L’aplicacion n’es immediata.

Ser de balèti ordinari a Florac dissabte. L’ambient es bon, digús se dobta pas que la serada va virar al drama. L’orquèstra ataca una borrèia de tres temps, ni mai ni mens rapida que de costuma. D’un còp, una dançaira lisa, s’arrapa a son partenari e totes dos cabussan, entrainant dins lor casuda lo coble que li fan fàcia. La borrèia d’a costat deurà a sos reflèxes segurs, aquesits dins los nombroses balètis qu’an frequentats, d’evitar l’accident.
(suite…)

Lunel : còp de fialat anti-corsa camarguesa

12 juillet 2015

Corsa camarguesa

Cinc rasetaires son estats meses en garda a vista a Lunèl a la seguida d’escotas telefonicas.

Los servicis de la DGSI susvelhan de pròche la populacion de Lunel, que la majoritat es sus escota telefonica. Es a la seguida d’aquò que cinc rasetaires foguèron interpellats ièr de matin a lor domicili. Lo program informatic aviá relevat dins las conversas un molon de mots estrangièrs que foguèron preses per un còdi mascant la mesa en plaça d’una accion terrorista : bandido, abrivado, aglan, coucardo, Pescoluno, Erdibiou.
(suite…)

Lèu lo Torn d’Occitania Ciclista

7 juillet 2015

Torn d'Occitania Ciclista

Aprèp l’Equipa Occitana de Foot, es estada creada la FICO Federacion Internacionala Cicliste Occitana. Va organizar lo Torn d’Occitania Ciclista.

Es l’iniciativa de tres amics, Leon, Marcèl e Bernat que va projectar lo ciclisme occitan sul davant de l’actualitat. D’efièit, dins lo mes de julh, pel primièr còp, se va debanar lo Torn d’Occitania Ciclista. Avèm rescontrat Bernat, encargat de comunicacion. Nos explica que lo Torn d’Occitania serà a l’imatge del Torn de França.
(suite…)

La corsa Paris Dakar qu’ei partida lo 4 de genèr

5 janvier 2015

Rota de Bearn

Augan, lo Dakar que cambia de percors. Entà rasons d’economia, los veïculs que partiràn de Lenveja tà Baiona enlà, en passant per Bedós.

Los organizators, com a l’acostumat, que cèrquèn parçans haurets qui brembarén las edicions ancianas deu ralli. La causida que’s portè finaument suu Bearn e suu País Basco, per’mor los miaires e poderàn gausí’s deus paisatges desconeishuts, de la populacion entosiasta e d’ua relativa seguretat. Que’s pausè lo problèma de l’avitalhament en carburant, mes que semblaré qu’ua solucion estosse trobada.
(suite…)

Lo pintaball, lo novèl espòrt que fa furor

25 août 2014

Pintaball

Inventat dins Tarn e Garona, aquel novèl espòrt es a s’exportar dins Occitània tota.

Quand a lançat aquel novèl espòrt, Olivièr Marnon, un estatjant inventiu de Nègrapelissa, pensava pas qu’auriá tant de succès. Lo principi n’es simple : es lo meteis que lo del paintball, mas la pintura es remplaçada per de vin.
(suite…)

Desfacha Soissa fàcia a la França : Felip Martèl n’explica las rasons

23 juin 2014

Estadi

Lo grand sociològ occitan torna sus lo match de divendres.

Se la màger part dels comentators esportius laudifican los blaus per la qualitat de lor jòc, semblariá que sián passats completament a costat de la realitat. Felip Martèl nos balha las vertadièras claus d’aquesta desfacha.
(suite…)