Espòrt

Lo recòrd del monde de la borrèia mai longa es batut !

17 juin 2014

Borrèia

Lo dimenge 25 de mai, Marion Dumau e Alfred Gendre an passat a Polinhac lo recòrd del monde de la borrèia mai longa : doas oras e cinquanta doas minutas.

« Après de meses e de meses d’entraïnament intensiu, avèm capitat ! », çò commentèt Marion après la performança. Lo mitan de la dansa tradicionala es estrambordat. 2h52, un novèl recòrd que serà malaisit a batre.
(suite…)

Lo retorn dei derbys bascos en Top 14

12 juin 2014

Bèglas-Bordèu

Bèglas – Bordèu crompa la licéncia basca dau Biàrritz Olimpic.

Leis afecionats de l’Ovalia tota seràn urós d’aprene que partent de l’an que ven, e en seguida a la casuda dau BO en Pro D2, l’Union Bèglas – Bordèu parvenguèt a un acòrd amb lo club de la costiera basca (qu’aviá un besonh gròs de picalhons per clavar son budgècte) per posquer representar l’autra mitat dau pòple basco en Top 14.
(suite…)

Ua pareja de chancaires qu’a truversat lo Saharà en 100 dias

19 mai 2014

Sahara

Jausèp e Jana Pinhadar que son los purmèrs qui ajan traucat lo desert Nòrd-African dab chancas.

Asseduda a la terrassa d’un café de Sent-Pèr de Lèren, la Jana qu’espia lo Jausèp dab un aire de satisfaccion. Que vienen de tornar d’Africa e dejà l’enveja de contar la loa aventura que’us brutla los pòts.
(suite…)

Descobèrta istorica : los gascons qu’aurén inspirat l’aviacion

30 avril 2014

Saut de vaca

Un estudi miat per ua equipa americana que vien de publicar la soa recèrca sus las relacions enter la corsa landesa e l’aviacion.

« The work is completed », ç’anonciè ger dab fiertat Allyson Cazenave la gavidaira deu projècte de recèrca. Allyson qu’ei americana e cercaire a l’Ohio University mes lo son pairan qu’èra de Pimbò (Lanas). Que tribalhè donc dab gran plaser au beth miei d’ua equipa motivada sus aquesta recèrca istorica.
(suite…)

Lo CFPO de Besièrs experimenta un « percors verbal »

27 avril 2014

Pompas

Lo centre de formacion besierenc a desvolopat un novèl biais d’ensenhar la lenga.

Es una experiéncia pedagogica inedita : dins lo pargue de l’ostal de la vida associativa, lo CFPO de Besièrs a installat un percors d’un tipe particular : sul modèl dels percors santat, 15 talhièrs ritmaràn lo progression ; mas cada talhièr combina activitat fisica e estudi d’un punt de conjugason.
(suite…)

Corsa trans-estanh de Taur en solitària : « La Rota del Ratafià »

25 avril 2014

Monocòques

La region Lengadòc Rosselhon fa un apèl a projèctes per la participacion a la corsa en solitari trans estanh de Taur « La Rota del Ratafià ». S’agirà de religar sol dins una embarcacion de concepcion liura lo pòrt de Seta al pòrt de Marselhan en seguissent lo corrent. Dos multicòques e tres monocòques son ja engatjats. Lo depart se farà a la fin de las vendémias de 2014.

Lo primièr a respondre foguèt lo multicòque « Manivette Produccion ». « Siam acostumats a la traversada La Ciotat Porqueròlas per totei lei temps. Anam ganhar », çò dison.
(suite…)