Monde

Ikea que harà acès en kit taus refugiats

1 avril 2015

Refugiats

Ikea qu’a anonciat que balharà a l’ONU estructuras en kits tà har acès dens los camps de refugiats.

Los acès que seràn liurats dens cartons plans dab ua notícia, com la marca ac hè taus sons mòbles disponibles en botiga. Après quate òras de montatge, los refugiats qu’auràn un cabanet de 20 mètres quarrats qui poderàn arcuélher cinc personas.
(suite…)

Joan Luc Melanchon prèst a passar un acòrd amb l’UDB per las eleccions venentas

26 janvier 2015

Mélenchon

A la seguida de las eleccions de Grècia, lo cap del Parti de Gauche, Jean Luc Mélanchon a declarat a l’antena d’Europe 1 qu’èra prest a far una aligança amb l’Union Démocratique Bretonne.

« La question de las lengas regionalas es pas un problèma per ieu, declarèt, l’essencial es de ganhar. Ai comprés aquò en vesent mon amic Alexis Tsipras qu’a un acòrd de governament amb los sobereinistas grecs. Ai cercat un partit pichon, opausat come ieu a la politica d’austeritat, e ai trobat sus internet l’UDB qu’a de posicions que rejonhan las meunas. Ai doncas decidit de passar un acòrd electoral amb eles.
(suite…)

L’Acadèmia francesa interdís los mots d’origina occitana

11 octobre 2014

Acadèmia francesa

Après aver descobèrt lo Petit guide insolent des mots occitans, passagers (clandestins) du français de Florian Vernet, l’Acadèmia francesa a decidit de tornar far lo diccionari per tirar çò que considèra coma d’eresias.

« En seguida d’aquelas revelacions orrificantas, prendrem las mesuras que s’impausan per eradicar totas aquelas estigmatas patesantas dins nòstra polida lenga francesa », çò anoncièt lo president de l’Acadèmia francesa tre la darrièra pagina del Petit guide legida.
(suite…)

Lo Jacques Chirac intoxicat per pomada lemosina

1 octobre 2014

Jacques Chirac

L’òmi de 81 ans n’a pas briga cambiat los sons gosts despuish la soa campanha dab lo RPR de 1995 simbolizada per ua poma. Mes adara que s’i hè shens caishaus e que minja e beu tot a la palha. Çò qui n’ei pas shens risca.

La retirada qu’auhereish, a còps, maishantas suspresas aus e a las qui ne deishan pas de víver dens lo lor passat estosse plapat d’aur o de pèth de castanha. L’ancian President de la Republica Francesa que’n sap quauquarren adara. Per manca de dents qu’ei obligat de deishar las pomas au profieit de la pomada e qu’estó estat intoxicat ger mentre que’s shuquèsse un pinton de pomada fresca originària de la Pomaderia Janty (Coresa).
(suite…)

Netanyahu: la nosta accion a Gazà qu’ei umanitaria

10 août 2014

Binyamín Netanyahu

Lo purmèr ministre de l’estat teocratic d’Israël que revela dens ua entervista lagremassèra la vertadèra rason de ofensiva a Gazà.

A l’atge de 64 ans l’òmi politic a maugrat de la soa experiéncia ne s’i escad pas de contiéner los sos plors. Qu’anonciè ger a 10h dabant los rescapats de la premsa internacionau a Tel-Aviv las vertadèras rasons de l’ataca de la banda de Gazà.
(suite…)

Plagiat : Budget Prod ataca en justicia la cadena de television Bretzhoweb

4 juillet 2014

R16

La cadena de television web en lenga bretona auriá copiat « La Seria » per una futura seria en breton titolada « Stirad ». Budget Prod pòrta lo planh.

Yannick Mandel e l’equipa tota de Budget Prod foguèron enrabiats quand aprenguèron que Bretzhoweb metiá en rota lo rodatge d’una seria novèla en breton. Lo scenari n’es simple : son dos joves bretons amb una Renault 16 que van cèrcar d’argent per virar una seria tele que parla de dos joves que vòlon virar una seria tele sus dos joves que cèrcan d’argent per virar une seria tele que parla de la dificultat per dos joves de trapar d’argent per virar una seria tele. Lo nom breton de la seria significa « Sant Miquèl dels Monts ».
(suite…)