Monde

Lo Congrès de l’AIEO que participarà a autonomizar Catalonha

9 juin 2014

Universitat de Lhèida

L’Universitat de Barcelona qu’a trobat ua idea tà ahortir l’autonomia energetica de Catalonha respècte a Espanha mercés au Congrès de l’AIEO.

Lo XIau Congrès de l’AIEO, Associacion Internacionau d’Estudis Occitans, que’s debanarà deu 16 au 21 de junh. Augan que’s harà en Catalonha, a Lhèida. L’Universitat Autonòma de Barcelona qu’a decidit de profieitar de l’escadença tà ahortir la soa autonomia energetica, dens l’idea d’estar tostemps mensh dependenta de l’Estat Espanhòu.
(suite…)

Elizabeth II: “L’Occitania n’existirà pas tan que ne s’aja pas trobat ua monarquia”

6 juin 2014

Elisabet II

Au parat deu son desplaçament en França entau 70au anniversari deu desbarcament en Normandia, la Reina d’Anglatèrra que s’ei exprimida sus las minoritats shens Estat en Euròpa.

A pena sortida de l’Eurostar la vielha monarca britanica de 88 ans qu’a enqüèra la fòrça de portar un enorme flòc de flors de la medisha color que la soa pelha, com ac vòu la tradicion, e la fòrça autant mentau que bucau de respóner a quauques uas de las centenas de questions lançadas peus jornalistas amassats en crums.
(suite…)

Lo MOOC de breton d’Edubreizh saturat après las resultas de las europèas

27 mai 2014

MOOC d'Edubreizh

Après l’anóncia de las resultas de las eleccions europèas, numeroses occitans an planificat de s’exiliar dins la circonscripcion Oèst ont lo FN es arribat sonque second. Per çò far, vòlon aprene lo breton.

« Foguèt una marèa d’inscripcions que nos arribèron dins la nuèit de dimenge a diluns », çò conta Gaël Harwen, responsable web a Edubreizh. « Nos calguèt tampar lo site per evitar que lo servidor tombèsse ». D’efièit, après las resultas de l’escrutin, una granda part dels occitans an decidit d’aprene lo breton.
(suite…)

Ua pareja de chancaires qu’a truversat lo Saharà en 100 dias

19 mai 2014

Sahara

Jausèp e Jana Pinhadar que son los purmèrs qui ajan traucat lo desert Nòrd-African dab chancas.

Asseduda a la terrassa d’un café de Sent-Pèr de Lèren, la Jana qu’espia lo Jausèp dab un aire de satisfaccion. Que vienen de tornar d’Africa e dejà l’enveja de contar la loa aventura que’us brutla los pòts.
(suite…)

Se fa assassinar per un barbacoa

4 mai 2014

Nòstra-Dama-de-las-Landas

Geoffrey Maubert s’es fait linchar pels hippies de Nòstra-Dama-de-las-Landas per aver volgut manjar de carn.

Èra benlèu d’inconsciéncia, benlèu de provocacion… Mas ara n’es mòrt. Geoffrey Maubert, 21 ans, paguèt car son regim alimentari. D’efièit, decidiguèt de far una grasilhada al mitan del vilatge alternatiu de Nòstra-Dama-de-las-Landas.
(suite…)

Lo País Basc classat oficialament resèrva naturala de copa mulet

17 avril 2014

Copa mulet

Fasiá trenta ans que los defenseires d’aquesta copa se batián per far valer lor excepcion capilària. L’UNESCO e los estats francés e espanhòls an finalament decidit de classar la zòna, per protegir çò qu’alhors a quasiment desaparegut.

La copa mulet, o mullet en inglés, tanben sonada « nuca longa » o « Cambrona » (daissam lo suènh als nòstre legeires de devinhar perque), es un quicòm que dirà pas res a aqueles que son nascuts après 1990, manca se, per astre o malastre, se son passejats d’estiu dins las fèstas de Pampalona o autra localitat bascofòna ont la pratica es encara viva.
(suite…)