Economia

Après la patafix, d’autres produits ara accessibles a las femnas

1 octobre 2015

Produits ròses

Après la patafix, son tres novèls produits que se son mes al ròse : lo dentifrici, los clavèls e lo chocolat.

« Es tres còps mai car que lo dentifrici blanc, mas tant pis, es un solaç de me poder enfin fretar las dents », çò fisa Aurora, 27 ans. D’efièit, dempuèi una setmana, existís un dentifrici ròse, per que las femnas elas tanben ne pòscan utilizar.

Una autra entrepresa a ensajat de conquesir lo mercat femenin, es lo chocolatièr « Limp ». « Per nosautres, èra normal que las femnas ajan lo dreit de manjar de chocolat, elas tanben. Sèm fòrça estacats al principi d’egalitat dels sèxes », çò explica Alan Masset, son PDG.

Enfin, los clavèls « Arrieu » an eles tanben sortit una gamma per las femnas, mas aquí encontrèt pas la capitada esperada. « Es pas estonant », çò explica lo sociològ Timotèu Bras. « Los clavèls servisson mai que mai al bricolatge, e sabèm totes qu’aquò es una activitat d’òme. Ensajar de vendre de clavèls ròses èra perdut d’avança. Las femnas son pas prèstas a clavelar, encara. »

Aqueles exemples soslevèron fòrça interès dins lo mitan industrial, e se parla ja, segon nòstras informacions, d’escòtch, de juc de poma e de vièlas de ròdas ròses.

Yahoo! que demorarà gascona

24 mars 2015

Yahoo

Lo famós portau de la tela qu’ahortí la soa volontat de demorar ua enterpresa 100% gascona.

Creada a la ciberbasa de Vinhas (418 poblans) en Bearn en 1994, Yahoo! qu’èra lo siti lo mei visitat en 2004 dens lo monde. Arron aver començat com simple anuari numeric uei lo dia qu’auhereish servicis a gratís o pagants hèra diversificats: boeita de corrics, motor de recèrca, etc.
(suite…)

Lo calendièr escolar 2015-2016 modificat a la demanda del sindicat del torisme montanhard

5 mars 2015

Esquí

Lo govèrn modifica lo calendièr de las vacanças escolaras per s’adaptar a las condicions climaticas.

Coma l’a fait remarcar Laurent Fabius, lo torisme montanhard patís dempuèi d’annadas de vacanças de printemps tròp tardièras per faire lo plen, vist l’ennevament e doncas las reservacions. Lo calendièr a venir ne tendrà compte.
(suite…)

Racamel que lança capsulas tà cagar occitan

21 janvier 2015

Capsulas Racamel

Despuish quauques mes, que’s pòden crompar sus internet capsulas tà har cacàs dab palhetas. Racamel qu’a seguit la mòda e que perpausa aus occitans de cagar roge e jaune.

« Qu’èi vist de tira que i avè un mercat a préne », çò explica Dinars Encornet. « Afirmar la soa identitat en cagant qu’ei quauquarren qui’n calèva pas passar a costat ». La holia deus cacàs dab palhetas, qu’a balhat ideas au patron de la purmèra enterpresa occitana.
(suite…)

Los chineses crompan lo Carnaval de Limós

19 janvier 2015

Carnaval de Limós

Lo carnaval de Limós, lo mai long del mond, a començat lo 11 de genièr. Ongan, es endecat per l’anóncia de sa crompa per una societat chinesa organizaira d’eveniments festius.

A fait l’efièit d’una bomba vertadièra sus la plaça de la Republica : Carnaval es estat crompat pels chineses. Se sabiá que lo Comitat, confrontat a de dificultats financièras de las bèlas, cercava de solucions cap al mecenat privat.
(suite…)

Lo metro tolosan crompat per un consortium chinés

15 décembre 2014

Metro tolosan

D’investisseires chineses an crompat lo metro tolosan, que la societat SITTEO aviá decidit de vendre.

Es lo grop chinés Shandong Hi Speed Group que faguèt la proposicion mai interessanta e que remporta lo mercat. Lo metro tolosan apartendrà d’ara enlà per 64 % als chineses.
(suite…)