Economia

Lo secretari al torisme demanda a Meteo France de moderar sas previsions

31 octobre 2014

Plaja

Davant la recrudescéncia de las negadas la dimenjada passada, Matthias FEKL, secretari d’estat encargat del torisme, demanda a Meteo France de baissar sas prevision de temperatura sus las còstas bascas e mediteranèas.

Tres personas se son negadas e un molon, mesas en dificultat, an degudas èsser espitalizadas aquesta dimenjada. En causa : las temperaturas tròp bèlas per la sason qu’an menat un fum de pòble sus las plajas non-susvelhadas. Coma lo monde fan tan d’imprudéncias coma quand i a de salvaires, se trapan en granda dificultat.
(suite…)

SOLET Produccions, una bóstia que bolega

3 septembre 2014

Solet Produccions

Manaset fa lo retrach d’una bóstia de produccions tota novèla.

Dempuèi qualquas annada avèm polgut remarcar la modernizacion dels medias occitans. Tot aquel trabalh es fait en collaboracion amb de bóstias de produccions occitanas. Coneissiam Piget prod, ara lo pichòt novèl : SOLET Produccions.
(suite…)

Un centre de vacanças pels ordenadors

27 août 2014

Ordenadors

Un novèl centre de vacanças obriguèt en junh passat a La Ciotat. Aculhís un public un pauc especial : los ordenadors que lors utilizators son partits en vacanças.

Per sa primièra annada, lo centre d’acuèlh 101111000 a conegut una polida capitada. « Avèm recebut mai de cent pensionaris suls dos meses », çò conta Felix Grandet, director de l’establiment. Après los gats e los gosses, son los ordenadors que pòdon trobar un luòc d’acuèlh per s’anutjar pas quand lors mèstres se’n van en vacanças.
(suite…)

Una partida de la sèlva de las lanas reboscada amb de palmièr a òli

11 juin 2014

Palme

Lo grop internacional Golden United International Transactions ven d’obténer l’autorizacion de remplaçar 697 ectaras de pinièrs endomatjats per la tempèsta dins Lanas per de palmièrs a òli.

Una usina de tansformacion serà bastida a Soston qu’emplegará un centenat de personas. Lo grop compta  s’apiejar sul saber faire local per adaptar lo biais de cultivar dels païses actualament productors a la realitat del terrèn.
(suite…)

Calandreta crompat per un fonds de pension american

30 mai 2014

Calandreta

Las escòlas immersivas occitanas son ara endralhada cap a l’economia borsièra.

Lo grop american d’investiment Fidelity Investment a contactat la federacion Calandreta. An l’intencion de faire de Calandreta una Societat Anonima quotada en borsa e d’investir una soma qu’avèm pas poscuda conéisser. Lo president Joan Marc Blanquet vendriá president del « Group for Active and Imersive Pedagogia » e encargat de n’assegurar lo desvolopament internacional.
(suite…)

Novèlas decoracions per las fenèstras besierencas

24 mai 2014

Paire Nadal a la fenèstra

Après l’interdiccion d’espandir la farda a lors fenèstras, los besierencs an trobat de novèlas decoracions per abelir lors balcons.

Es l’entrepresa Tròcatot que n’a agut l’idèa, après la mesura decidida pel conse de Besièrs Robert Menard d’enebir las fardas a las fenèstras. A lançat una novèla linha d’accessòris per decorar los balcons.
(suite…)