Criticas de cantaires

Manaset a decidit d’ajudar los joves parolièrs, autors compositors de l’espaci occitan a mestrejar melhor lor escritura. Nos mandan de textes que nòstre comitat de lectura examina e critica per ajudar los interessats a progressar.

Le Zizi

18 octobre 2015

Pierre P.

Pèire P, de Castelsarrazin, nos fa parvenir un tèxt titolat « Le Zizi ».

Mon car Pèire. Nos semblas un pauc coquinàs per ton atge. Pensam que jògas al rugbi e qu’amb los companhs, en fin de match, passatz lo repertòri tot de « Trois orfèvres » fins a « la grosse b.. a Dudule ». Mas aqui, sias pas dins la sala del club un dissabte de victòria. Te cal faire un esfòrç. (suite…)

Un ser lo Pastre

4 avril 2015

Marie C

Maria C. de Peyriac, nos manda una cançon sonada « Un ser lo Pastre ».

Ma pichòta Maria, nos dises que cantas, amb un grop d’amigas, de cançons tradicionalas arrengadas per ton òme. Plan. Mas aquí, lo subjècte nos sembla un pauc polemic. As vist çò que se passa a Besièrs. Sèm dins un país laïc, e pòs trapar d’autres subjèctes que la naissença d’un salvaire pels catolics. (suite…)

Le calme et la tempête

21 mars 2015

Olivia R.

Olivia R. de Marselheta (Aude), nos a mandat una cançon « Le calme et la tempête ».

Cara Olivia, as enveja de jogar de musica rock sus de tèxtes tieus, de parlar de la vida, de l’amor e de tas originas. Ma cara Olivia, la scèna rock francesa a l’ora actuala patís d’una situacion pletorica. Totes se vòlon produsir mas las plaças son caras. (suite…)

Vai te’n cagar a la vinha

14 mars 2015

Patric M.

Patric M. de Montpelhièr, nos fa parvenir un tèxte que se titola « Vai te’n cagar a la vinha ».

Mon pichòt Patric, se vòls èsser cantaire, e subretot compositor, te cal faire un pauc trabalhar ton imaginacion. Es pas tot d’agachar un ser de fèsta lo taulièr de Macarèl e de te dire : « aquel pegasolet me fa rire, ne vau far una cançon ! ». Se que non, vas tombar dins la facilitat e cantaràs puèi : « val mai un pichon desgordit qu’un grand estabosit » e riscas d’acabar per « farem tot petar ». (suite…)

Paga-me e vai te’n

22 novembre 2014

Gerard P.

Gerard P. de Serviès en Val (Aude), nos a fait parvenir un tèxte que se ditz : « Paga-me e vai te’n ».

Mon pichon Gerald, as decidit de metre en musica e de cantar la lista de las comissions. L’idèa nos pareis estranha. Pensam d’aver comprés cossí aquò se passèt. Per una serada de prima qu’aviás sortida ta guitarra, una jovenòta enamorada te diguèt en te gaitant dins lo uèlhs: « Ò, Gerald, cantas talament plan que podriás canta la lista de las comissions, m’agradariá quand mème ! » (suite…)

Bleu blanc blond

21 octobre 2014

Marcel A.

Avèm recebut un tèxte del jove Marcel A. de Borce (Pirenèas Atlanticas). Aquel tèxte se ditz : « Bleu blanc blond ».

Mon car Marcèl, nos mandas un tèxte en francés que sa simplicitat nos daissa muts. Se vei que practicas pas encara plan la lenga. Repeticions, rimas aproximativas (yeux – deux per exemple). Nos dises que siás bearnés. Perqué pas cantar de cançons tradicionalas dins ta lenga ? O alara los autors grands de la literatura gascona coma  Alexis Peyret ou Simin Palay ? (suite…)