Racamel que lança capsulas tà cagar occitan

21 janvier 2015  Economia, Sciéncia

Capsulas Racamel

Despuish quauques mes, que’s pòden crompar sus internet capsulas tà har cacàs dab palhetas. Racamel qu’a seguit la mòda e que perpausa aus occitans de cagar roge e jaune.

« Qu’èi vist de tira que i avè un mercat a préne », çò explica Dinars Encornet. « Afirmar la soa identitat en cagant qu’ei quauquarren qui’n calèva pas passar a costat ». La holia deus cacàs dab palhetas, qu’a balhat ideas au patron de la purmèra enterpresa occitana.

Que hiquè los sons melhors engenhaires au tribalh e, au cap de quauques dias, lo concèpte que vadó. Adara, que podetz crompar capsulas alimentàrias qui contienen petitas crotz occitanas jaunas e palhetas rojas. La pilula que’s dissòlv dens l’estomac e que libera las crotz qui vienen customizar lo cacà.

« L’utilitat que n’ei evidenta », çò afirma Dinars Encornet. « Que permet de socializar la cultura dens un lòc utilizat per tots e mei, dab la contribucion deus vòstes cans, de har vededera la nosta identitat dens las carrèras o los parcs publics ».

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *