Tolosa : la vila espantada aprèp l’atemptat del parcatge del Capitòli

23 décembre 2014  Politica, Societat

Plaça del capitòli

Un pedon se jeta sus las veituras estacionadas. L’òme es espitalizat dins un estat seriós.

Diluns en fin de matinada, a l’ora que lo parcatge es emplenat a son maximum, un òme de quaranta ans, vestit de bralhas patas d’elefant e d’una camisa a flor s’es jetat sus las veituras estacionadas al crit de « Farem tot petar ! ».

Doas veituras son estadas erafladas per la bocla de cinta e un retrovisor fendasclat. L’òme, el, patís de traumatismes diverses e d’una entòrsa al punhal. Estatjant d’un vilatjòt d’Arièja, semblariá que siague eissut d’una faccion ecologista extremista que se’n prendrián a las veituras, rendudas responsablas de la pollucion e del rescalfament climatic.

Los agents de seguretat dels parcatges de la vila son en alerta e contarotlan a las entradas dels parcs lo mond vestits a la mòda de las annadas setanta.

Fòto : Pinpin

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *