Montpelhièr planta ortigas anti-SDF

29 décembre 2014  Politica

Ortigas

La comuna de Montpelhièr a mes en plaça una novèla mesura per lutar contra la preséncia de marginals dins sos pargues publics : a començat de remplaçar totas sas pelosas per d’ortigas.

Es una mesura que fa polemica. Per evitar la preséncia de SDF, de dealers e de personas alcoolizadas dins los pargues publics de la vila, la comuna de Montpelhièr a decidit de plantar d’ortigas dins totes sos espacis verds.

« La màger part d’aqueles espacis son ocupats quasi exclusivament per de personas que se consacran a una alcoolizacion o a un enfumatge regulars, cada jorn », çò conta lo conse de Montpelhièr per explicar aquela decision.

D’unes an jutjat aquela mesura « indigna », a mai « vergonhosa ». Qualques militants un pauc mai indignats que los autres an ja començat a dalhar, la nuèit passada, las ortigas de l’Esplanada de l’Euròpa.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *