Los chineses crompan lo Carnaval de Limós

19 janvier 2015  Economia

Carnaval de Limós

Lo carnaval de Limós, lo mai long del mond, a començat lo 11 de genièr. Ongan, es endecat per l’anóncia de sa crompa per una societat chinesa organizaira d’eveniments festius.

A fait l’efièit d’una bomba vertadièra sus la plaça de la Republica : Carnaval es estat crompat pels chineses. Se sabiá que lo Comitat, confrontat a de dificultats financièras de las bèlas, cercava de solucions cap al mecenat privat.

in finala, la proposicion mai interressanta venguèt del grop « Parties and festive events » basat a Changai. Aqueste prenguèt en carga l’animacion, la musica e la comunicacion. Solas las begudas demoran a la carga de las bandas.

« Aquò es normal, Carnaval a totjorn sollicitat las entrepresas, mas demorava sus un plan mai local, çò diguèt Julas Verdinas, lo president del Comitat Carnaval. A l’ora de la mondializacion, avèm pas lo dreit de metre en dangièr lo nòstre carnaval per un refús de dobertura. Amai, dempuèi la nuèit dels tempses, la China fa partida de Carnaval ».

La tradicion serà respectada ongan. Conformement a l’engatjament del grop chinés, las sortidas cambiaràn pas, al despart de la jornada del 14 de Mars (carnavals del monde) qu’acuelhirà pel primièr còp una banda de monges tibetans.

Fòto : Rolin

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *