Ora d’estiu : la familha d’un òme defuntat en julh ganha son procès contra l’estat

1 avril 2014  Societat

Pendula

La familha de Maurici Pages, defuntat en julh de 2010, ganhèt son procès en primièra instància per « temps personal desvirat sens compensacion ». Lo tribunal d’instància de Lavaur rendèt aquel jutjament susprenent que podriá far jurisprudéncia, condemnant l’estat a 587,65 € de domatges e interès al profièit de la familha Pages.

Lo rendut del tribunal, s’apiejant sus una recomendacion de la cort europèa, precisa qu’al moment del passatge a l’ora d’estiu, una ora de temps es tirada a cada persona. Coma aquela ora es tornada a la davalada, es sens consequéncia pels ciutadan. Levat se la persona defunta abans lo tornar a l’ora d’ivèrn. Dins aquel cas, l’ora presa deu balhar luòc a compensacion, çò estimèt lo jutge, compensacion que reven legitimament als eiretièrs conformament a l’article 223 445 bis del còdi civil.

« Es una victòria, declara l’avocat de la familha, que los enfants e l’esposa del Sénher Pages, que s’estiman victimas d’aquela injustícia, se baton dempuèi d’annadas per far reconéisser lor drèit . Es inadmissible de panar una ora de temps a qualqu’un sens la li tornar d’un biais o d’un autre. Eperam qu’aqueste jutjament farà jurisprudéncia. »

L’estat a fait apèl de la decision. Dins l’espèra del jutjament definitiu, Manaset, socitosa del drèit de sos legeires, incita las personas mòrtas en estiu a portar lo planh a lor torn.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *