Darrèras volontats de Manaset

15 janvier 2015  Societat

Darrèras volontats

Après los eveniments tragics de Charlie Hebdo, Manaset qu’a decidit de premuní’s contra las recuperacions de tota traca en deishant las soas darrèras volontats per escriut.

Se per cas. Dens un monde com lo noste, on los jornalistas e’s hèn massacrar per aver enmaliciat tau o tau integrista, Manaset que vòu esvitar ua navèra marcha tà la libertat d’expression se un dia e’s hasèva massacrar, ne sabem pas, per exemple per un lingüista qui averé vist ua « e » de sostien de tròp.

Que volem atau purmèr precisar que Manaset ne pòrta pas las valors occitanas de convivéncia e de paratge. Manaset que truca sus tot lo monde e que’s trufa de cadun. N’avem pas nat escrupule a atacar hemnas, mainats, amics… N’avem pas nat respècte de quau o qué que sia. Si los nostes jornalistas e’s hèn massacrar, ne’us calerà pas omenatjar com eròis occitans. Qu’èm occitans per fòrça, e que ns’ac viram dab aquò.

Ne deishatz pas la FELCO e Calandreta aperar a l’unitat nacionau en lo noste nom. Ne deishatz pas los IBGistas díser « Que soi Manaset » en per’mor qu’eths tanben e combaten los occitanistas. Ne demandatz pas a tots los ensenhaires de denegar l’ataca si èm tuats per JMBV. Ne deishatz pas Joan-Marc Blanquet parlar deu secondari au noste enterrament. Ne deishatz pas lo Conselh lingüistic deu Congrès vs’empachar de díser qu’èrem un media/mèdia arridolent.

Si èm massacrats en causa deu nostre tribalh de desinformacion, amics lectors, demoratz a casa, shens non pas aprofitar deu noste anonimat tà díser qu’ètz Manaset. O alara, hètz un putsh a La Setmana entà’us ajudar a avançar enqüera mei sus la nosta via, la de la vertadèra faussa informacion.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *