Libertat de la premsa e blasfèmia

3 mars 2015  Societat

Premsa

Manaset publica la lista dels subjèctes de blasfèmia a evitar impausada a sos jornalistas.

Per fin d’assegurar lor seguretat, los jornalistas de Manaset son estats pregats de plan voler evitar tot subjècte considerat coma blasfematòri dins los mitans occitanistas. Un jornalista, atencionat de la libertat de la premsa, publica lo contengut de la lista.

Lenga : la lingüistica, los lingüistes, mòrts coma vius, l’òbra d’Alibèrt, la de Mistral. Panoccitan. La e de sosten. Los limits dialectals, los atlàs lingüistics. La prononciacion. L’auvernhat. Lo mot « patoés ». Lo mot « Vira l’ase ».

Ensenhament : la Felco , Calandreta, los centres de formacions occitans, l’EOE, l’EOI, La Guèpia. Òm se poirà trufar d’un biais neutre e pauc frequent de l’ensenhament de las autras lengas regionalas (fòra lo Còrse, lo Basc, lo Breton, l’Alsacian e lo Catalan).

Occitanisme : Lafont, Rouquette (quin que siá lo pichòt nom), Marti, Mans de Breish, Boris Caldeuil.

Medias : FR3, Viure al País, Vaquí, Òc-tele.

Cinema : l’Orsalhièr, Malatèrra.

Istòria : la presa de Besièrs, lo Larzac, mai de 68, los Comitats d’Accion Viticòls, las manisfestacions de Carcassona, Besièrs, Tolosa, lo Lengadòc, lo Teatre de la Carrièra, Marilis Orionaa.

Cultura : lo Teatre de la Rampa, la Nòva Cançon Occitana, Ventadorn, Nadau.

Politica : lo PS, l’UMP (los autres pagan pas e son pas dangieroses).

Personalitats : lo quite jornaliste que publica aquesta lista, malgrat son coratge, son abnegacion e la garantida de son anonimat, pòt pas prene lo risc de divulgar de noms.

Fòto : Dasemarcalvarez

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *