Un usatgièr ganha son procès contra la societat Autoroutes du Sud de la France

9 mars 2015  Non classé, Societat

Autoroute du Soleil

Lois Pergaud ven de ganhar devant lo TGI de Lion lo procès qu’aviá intentat contra aquesta societat a la seguida d’una batesta d’expèrts scientifics.

Lois Pergaud es de Marselha mas sa societat l’a mudat a Lion. Cada dimenge, pren l’autopista per rejóner son luòc de trabalh. L’autorota A7, qu’utilisa, se sona « Autorouta del Solelh ». Cada setmana, aquela apelacion l’embufaba que, el, a mesura qu’avançava, trapava lo marrit temps.

Portèt una reclamacion demandant que l’apellacion autorouta del solelh siá reservada al sens Nord – Sud, lo sens Sud – Nord se sonant, el, Autorota de la Pluèja. Coma sa demanda portèt cap de responsa, finiguèt per assinhar los ASF en procès, s’apiejant suls trabalhs estatistics d’unes expèrt en meteorologia.

Fin finala, lo tribunal foguèt forçat de reconéisser lo ben-fondat de sa demanda. La societat ASF a un an per càmbiar totes los panèls « Autoroute du Soleil » dins lo sens de circulacion Marselha – Lion e de los remplaçar per « Autoroute de la Pluie ». Lo còst es estimat a 280 000 €, mas coma los resultats de las societats d’autorota son excedentaris, l’Estat anoncièt que refusariá tota demanda d’ajuda.

Fòto : BlueBreezeWiki

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *