Lo tèxt de la dictada occitana cambiat en rason de l’actualitat

23 janvier 2015  Lenga

Dictada occitana

Lo Dirçòc de Besièrs prepausa coma cada an la dictada occitana. Mas lo contengut a degut s’adaptar a l’actualitat.

Lo 31 de genièr, la dictada occitana se tendrà dins los locals del Dirçòc a Besièrs. Ongan, lo tèxte previst èra tirat de « Lo quasèrn de Francés Calquièr » de Gui Viala. Solament, jos la pression dels eveniments recents, lo director Caganis Sayet decidiguèt que la dictada se fariá sus « Despenjafiga », adaptacion per Ives Rouquette de la BD de Cabu « Le grand Duduche ».

Los participants son doncas pregats de portar gredons de papièr, gomas e talhas gredons. Las fuèlhas Canson son fornidas. E per la dictada, serà demandat de dessenhar e de completar las bofigas de la benda desssenhada. La qualitat ortografica, la precision del dessènh e sa fidelitat a l’original comptaràn dins la nòta. Coma de costuma, los tres darrièrs candidats seràn castigats : deuràn copiar cent còps « Que soi Carlon » sus una fuèlha negra.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *