Tau carnaval augan, Sent Pançard que serà Charlie

2 février 2015  Politica

Sent Pançard qu'ei Charlie

Lo gran rei deu Carnaval Biarnés, eth tanben, que vòu la soa part dens la recuperacion deus eveniments de la debuta deu mes.

« Exiliat en Aragon, qu’estoi lo sol a non pas poder participar a la recuperacion politica de l’atemptat de Charlie Hebdo », çò expliquè Sent Pançard au parat d’ua conferéncia de premsa, dissabte passat, dens lo vilatge bearnés d’Anoja. « Adara que soi tornat tà casa, que serei Charlie autant com los autes ».

La recuperacion qu’ei dejà plan integrada dens lo programa costumèr : ua minuta de rambalh qu’ei prevista tà l’aviada deu Carnaval lo dissabte 6, un concors de caricaturas de Quaresma qu’ei organizat a l’escadença deu Carnav’escòlas, las carronhetas que cargaran tà la serada ròsa costumes de personatges de Wolinski, que i aurà un gran passa-carrèra republican lo dissabte 14, a la fin deu quau Sent Pançard e diserà « Que soi Charlie » davant lo tribunau et abans la cremacion deu dimars 17, tots los participants que seràn convidats a cantar La Marseillaise en polifonia.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *