Comunicat del comitat « Anèm Òc lo Tornar »

5 février 2015  Non classé

Anem Òc

Davant lei fenomèns de regression e lo perilh de mai en mai gròs que menaça la lenga, la « Coordinacion per la lenga occitana » rampèla a una granda mobilizacion per l’occitan lo dissabte 24 d’octòbre de 2015.

Las Calandretas se traparàn davant lo rectorat de Montpelhièr per reclamar de pòstes pel secondari. L’IEO menarà al Clapàs una manifestacion colorada e musicala entre l’ostal Pèire d’Aragon e l’estatua de l’Abat Fabre darrièr la glèisa Sant Roch. Lo febrilitge farà una manifestacion en costum folclorics animada per de grops de Galobet Tambotin a Malhana.

La Kelfo, ela, apèla a un molon de manifestacions descentralizadas que se debanaràn :

  • A San Joan de Cucule (34) davant la comuna.
  • A Labastide Esparbeirenca (11) davant l’escòla barrada an 1967.
  • A Alègra las Fumadas (30) davant la fortalesa.
  • A Antichan de Frontinhas (31) dins lo cafè de Marcel.
  • A Castelnau Barbarens (32) en cò del factor d’acordeons
  • A Comps La Grand Vila (12) jol platanièr.
  • A La Celle Jos Gojon (23) darrièr la font.
  • A Sant Maurici de Ventalon (48) davant l’escòla privada
  • A Sant Siforian sus Cosa (87) a l’intrada del bòsc.
  • A Sant Caprais de Lerm (47) jol lavador.

D’autres luòcs de manifestacion poiràn seguir, cada militant de la Kelfo estant mandatat per organizar una manifestacion en cò sieu.

Per fin de seguir tot aquò, los jornalistes de Manaset seràn aquel jorn sus la plaja de Baie Longue a Saint Martin en trin de chucar de Margaritas.

Fòto : Guilhèm Sevilha

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *