Yahoo! que demorarà gascona

24 mars 2015  Economia

Yahoo

Lo famós portau de la tela qu’ahortí la soa volontat de demorar ua enterpresa 100% gascona.

Creada a la ciberbasa de Vinhas (418 poblans) en Bearn en 1994, Yahoo! qu’èra lo siti lo mei visitat en 2004 dens lo monde. Arron aver començat com simple anuari numeric uei lo dia qu’auhereish servicis a gratís o pagants hèra diversificats: boeita de corrics, motor de recèrca, etc.

De hèit la polemica sus ua eventuau delocalizacion qu’ei vaduda d’un lobby lengadocian: «Jafon!» gelós deu succès de l’enterpresa biarnesa. Lo PDG de Yahoo! Robert Capdegarbura n’a pas volut prononcià’s sus l’implicacion deu son vesin e concurent. Que s’ei contentat de tornar confirmir l’engatjament de Yahoo! auprès deus Gascons*.

Lo public vienut numerós a la conferéncia de premsa que cridè lo son contentèr arron aquera declaracion patriòtica: «Yahoo!» «Garderam la h!»

Chepicós de muishar la medisha fidelitat las enterpresas Hèrta, Haribò e Hacebók qu’an anonciat uei demorar eths tanben dens la gran zòna comerciau deu Medòc.

*Yahoo qu’emplega au mensh 3 personas en temps parciau dens tot lo País.

Fòto : 由WhisperToMe上传

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *