Ikea que harà acès en kit taus refugiats

1 avril 2015  Monde

Refugiats

Ikea qu’a anonciat que balharà a l’ONU estructuras en kits tà har acès dens los camps de refugiats.

Los acès que seràn liurats dens cartons plans dab ua notícia, com la marca ac hè taus sons mòbles disponibles en botiga. Après quate òras de montatge, los refugiats qu’auràn un cabanet de 20 mètres quarrats qui poderàn arcuélher cinc personas.

Que permeteràn aus sons estatjants d’emparà’s de la calor o deu maishant temps, e que balharàn tanben energia mercés a un panèu solar. Ikea qu’a per tòca de produire 30 000 d’aqueths acès qui remplaçaràn chic a chic las tendas tradicionaus que l’ONU balha aus refugiats.

Fòto : Mohamed Ali Mhenni

One Response to Ikea que harà acès en kit taus refugiats

  1. Lo Cap Redactor says:

    Ah ah ! Peis d’abrial ! Èra una vertadièra vertadièra informacion !

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *