Comunicat deu comitat Hilh De Puta (HDP)

8 avril 2015  Politica

Planvienuts en Duponia occidentau

Manaset qu’a recebut un comunicat deu comitat Hilh de Puta a la seguida de las eleccions departamentaus.

« Arron lo plebiscite obtienut a las eleccions departamentaus deu Bernard Dupont, ajudat en massa peus electors de tota la gran familha de dreta dura, lo comitat HDP que s’interòga de cap tà l’anexion de territòris vesins deu reiaume de Duponia dejà plan granàs.

Atau Larrèula en Duponia Meridionau en març que vad ua tèrra deu Centre-Duponia e lo capdulh Malaussana qu’ei mei estremat que jamei de la navèra Duponia Occidentau e Meridonau (Saut e Bogarber per exemple). De que perder lo cap taus subjèctes de Duponia ancians e navèths mes tanben tà la cor reiau.

En efèit, lo noste navèth rei qui ne poderà pas gavidar tot aqueth paἱs imense solet, com ac hasớ abans, que’s vederà obligat de’s lançar dens ua operacion de vassalizacion de las bèras deus territòris conquistats (Artics, Saut, …).

Mes qui serà causit peu noste bon rei Dupont Ier? E i aurà ua tentativa d’uniformizacion de la nosta lenga? Los Arsaqués e deberàn parlar Artesian o l’invèrsa? Lo rei, un feminista cap e tot, e volerà partatjar lo poder dab la Reina Fabiana Còstadoat-Diu com ac impausa aquera investitura nava? Ne caleré pas tornar aperar lo Pais: Còsta-Duponia alavetz?

Dens aqueth rambalh de reorganizacion, que s’èm permetuts d’ahitar lo reiaume dab panèus entà que cadun e cadua posca candidatar com vassau au servici de Dupont Ier.

Compte tienut deu grat de clientelisme ambient d’aquera partida de la classa politicarda ne podem pas assegurar a qui que sia d’estar causit, lo noste rei avent dejà los sons lòcs-tienuts a casa.

Atau cinc panèus qu’estόn pausats a gratis peus nostes agents:

  • En Duponia Occidentau (Vicomtat de Saut)
  • En Duponia Orientau (Principautat deu Merac)
  • En Duponia Septentrionau (termièra Arsac-Tursan)
  • En Duponia Meridonau (Comtat de Borgarber)
  • A Malaussana (Capitala deu Reiaume)

Tà la democracia en lenga nosta, Hilh De Puta !

*Lo HDP qu’ei sostienut peu Ministèri Public e Popular de la Derision deu GAG (Govèrn Autonòme de Gasconha) »

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *