Manaset : la tragedia

30 avril 2015  Cultura

Redaccion de Manaset

Un tremolament de fòrta intensitat pertòca la redaccion de Manaset.

La redaccion de Manaset se recampèt la dimenjada passada dins son sèti situit dins un endreit tengut secret. Avián decidit de festejar la sortida imminenta del JT n° 3 en cors de finalizacion. De jornalistas èran venguts d’Occitania tota amb : pastis, granatge, genciana, genepi, jurançon e autras especialitats.

Al moment de tornar al trabalh, l’ensemble dels participants, preses d’un tremolament d’una fòrça de 7,4 sus l’escala de Ricard foguèron incapables de se levar, tant per prevenir que per se portar assisténcia mutuala.

Una colona de volontaris s’es formada tanlèu la tragedia coneguda, per portar l’essencial als jornalistes : Aqua-Selzer, aiga de Quezac e cafè. A l’ora d’ara, temptan de localizar lo local que, per de rasons de seguretat, es portat sus cap de GPS nimai de carta.

En rason d’aquel eveniment, los articles riscan de prene un retard indefinit.

Tota bona novèla transmesa pels secors vos serà comunicada sul pic.

2 Responses to Manaset : la tragedia

  1. Bonnet says:

    Adieussiatz,

    podi vos ajudar : Cal tornar mai e Cal sonhar lo mau amb lo mau (se ditz).

    Bona garison

  2. atencion dangièr, apareis que l’aiga riuvilha l’estomac. E que lo riu en vila es polluat per l’industria particulàaria chinesa.
    Conselh copar l’aiga ambe patís.
    Donc sètz perduts !
    conselh dos : minjar de ris de Camarga, mas jà se vei d’autres dangièrs ecologistas.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *