Manaset sosten l’accion de David Grosclaude

30 mai 2015  Lenga, Politica, Societat

N'i a pro d'èstre mespresats

Lo conselhièr regional fa la cauma de la fam dempuèi lo 27 de mai. A tot nòstre sosten.

L’equipa de Manaset podiá pas demorar sens res faire. Encara que, dins sas legitimas revendicacions, lo conselhièr aja doblidat lo mesprés que la desinformacion occitana n’es victima, nos metem nosautres tanben dins l’accion.

Unanimament, la redaccion de Manaset comença una cauma de la set. A partir d’uèi e fins a la justa satisfaccion de nòstras revendicacions (veïculs de fonccion de marca alemanda, salari de deputats pels jornalistas de Manaset, fraisses d’albergament en ostalariá 5 estelas etc…) refusarem tot aperitiu quin que siá, tot gòt de vin e cervesa artesanala al cors de nòstre servici de desinformacion.

Del meteis biais, tota cantina de beuratge festiu serà d’ara enlà fòrabandida dels nòstres locals secrets.
Nos desencusam alprèp de nòstres amics productors que comprendàn lo sens de nòstra accion.

One Response to Manaset sosten l’accion de David Grosclaude

  1. Eric A. says:

    Tant que i aurà lèit de popa, va plan.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *