Caumaci : las associacions occitanas paralisadas

4 juillet 2015  Lenga

Caumaci

Amb lo caumaci, los dirigents de las associacions occitanistas an conegut una epidèmia d’indisposicions qu’an obligat totas las activitats a s’arrestar pendent una setmana.

Es un efièit segondari de la nauça de la mejana d’atge en cò dels burèus de las associacions occitanistas (que son compausats uèi, o rapelam, a 85% de personas de mai de 70 ans). Amb la calorassa d’aquesta debuta d’estiu, una granda part d’aqueles vièlhs foguèron indispausats e obligats de renonciar a tota activitat.

Seguiguèt doncas una vertadièra paralisia del mitan occitanista pendent una setmana : pas cap de conferéncias suls vièlhs autors occitans, pas cap de corses de lenga pels retirats, pas cap de garrolhas sul Jornalet…

Fin finala, la situacion se restabliguèt quora los sòcis dels burèus encara en estat aguèron l’idèa de logar de remplaçants. Recrutèron un cinquantentat d’estudiants del Med’òc, pagats a l’esmic per un cinquantenat d’oras setmanièras, per tota la durada del caumaci.

One Response to Caumaci : las associacions occitanas paralisadas

  1. Fred Bonnet says:

    Macarel, que fa cau ! Me senti mal, me cal un jovent per lire a ma plaça… o un pastaga amb força d’aiga…

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *