Lunel : còp de fialat anti-corsa camarguesa

12 juillet 2015  Espòrt, Societat

Corsa camarguesa

Cinc rasetaires son estats meses en garda a vista a Lunèl a la seguida d’escotas telefonicas.

Los servicis de la DGSI susvelhan de pròche la populacion de Lunel, que la majoritat es sus escota telefonica. Es a la seguida d’aquò que cinc rasetaires foguèron interpellats ièr de matin a lor domicili. Lo program informatic aviá relevat dins las conversas un molon de mots estrangièrs que foguèron preses per un còdi mascant la mesa en plaça d’una accion terrorista : bandido, abrivado, aglan, coucardo, Pescoluno, Erdibiou.

Quand se volguèron explicar, los rasetaires foguèron pas creguts pels policièrs parisencs venguts los interrogar, subretot que un èra d’origina magrebina. Foguèt lo Marius Sibleto, policièr municipal de Lunel pròche de la retirada, que levèt l’ambigüitat e expliquèt a sos collègas de la DGSI çò qu’èra la corsa camaguesa. Se portèt garant pels cincs òmes, que son de Lunel dempuèi tres generacions al minimum.

La DGSI reconeis que caldriá formar son personal a las costumas localas abans de los mandar dins de regions desconegudas, per evitar aquela mena de confusion.

Aquò rassegurarà nòstres amics de l’estanh de Taur, que gausan pas pus parlar a telefòne de lance, pavois, timonier, tournoi et passe.

Fòto : Clio64

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *