Lèu lo Torn d’Occitania Ciclista

7 juillet 2015  Espòrt

Torn d'Occitania Ciclista

Aprèp l’Equipa Occitana de Foot, es estada creada la FICO Federacion Internacionala Cicliste Occitana. Va organizar lo Torn d’Occitania Ciclista.

Es l’iniciativa de tres amics, Leon, Marcèl e Bernat que va projectar lo ciclisme occitan sul davant de l’actualitat. D’efièit, dins lo mes de julh, pel primièr còp, se va debanar lo Torn d’Occitania Ciclista. Avèm rescontrat Bernat, encargat de comunicacion. Nos explica que lo Torn d’Occitania serà a l’imatge del Torn de França.

« Anam partir de Rueil Malmaison per un contra la mòstra fins a Marne La Vallée. Aquí, prendrem lo TGV fins a Montpelhièr.

La seconda estapa serà Montpelhièr-Palavas.

Puèi la femna nos vendrà quèrre en veitura per nos menar a Beglas. La tresena e darrièra estapa serà Beglas-Bordèu amb arribada a l’esprint sul Cors Victor Hugo. »

La plaça de camisa jauna e roge serà disputada. Marcèl sembla lo mai plan plaçat per sa forma fisica e l’intensitat de sos entrainaments, mas Leon serà favorizat per la qualitat de son material, un B’Twin Triban 500 flame nòu. Sens doblidar Bernat que serà en embuscada, amb lo contengut secret de sa gorda que compta plan dessús per prene lo melhor.

Rendètz vos cada jorn del mes de julh a doas oras de l’aprèp dinnar sus Òc Tele per l’estapa en dirècte.

« Seguiguètz lo Torn d’Occitania Ciclista amb Macarèl, fargaire de camisetas jaunas e rojas dempuèi 2002 »

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *