Calimàs : Manaset rapèla las mesuras de prene

18 juillet 2015  Societat

Beure

Amb lo calimàs que sevís suls paises occitans, cada ciutadan se dèu de prene sas responsabilitats. Vaquí las mesuras indispensablas que lo govèrn a doblidat de listar.
S’avètz dins vòstre entoratge una persona vièlha, pensatz de li telefonar. S’es rica, mandatz-li una carta postala afranchida a 0,35 €.

Per lutar contra la fonda de las glaças, pensar de doblar lo nombre de glaçons per veire.

Portar un capèl, panat o pagat.

Se sètz vièlh, nos en fotèm, estent que legissètz pas Manaset.

Se lo cap vos dòl, que la susor vos ven, que sentissètz que vòstre cervèl bolhís, arrestatz de temptar de comprene quora cal botar la e de sosten, avètz l’ivèrn tot per aquò.

Se sètz adepte de jogging, fagatz coma nosautres, remplaçatz-lo per una cervesa suplementària.

Barratz los contravents dins la jornada ; s’avètz de fòrtas somas d’argent liquid a l’ostal, daissatz-los dobèrts e signalatz vòstras abséncias al jornal.

Idratatz vos regularament, en cò de Manu Escobar, Bar dels Amics, 37 Carrièra de la Pòsta, reduccion de 15 % pels legeires de Manaset.

Bon estiu a totes.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *