Una adaptacion a l’ecran de « Fotrairòl » de Sèrgi Viaule

5 octobre 2015  Cultura

Fotrairòl

Tanlèu lo recuèlh de novèlas paregut, Piget Pr0n a decidit de ne faire l’adaptacion televisuala.

Realizator, productor, fondador de Piget Pr0n, Anick Vedèl es un personatge exigent, perseverant, e que porgís un trabalh de qualitat. En collaboracion amb Sèrgi Viaule, ven de lançar lo filmatge de l’adaptacion tele de son darrièr recuèlh de novèlas eroticas en occitan : « Fotrairòl ». Aquò ven a la seguida de la darrièra realizacion de Piget Pr0n, « Còp de Quica », difusada sus França 3, que conta en vint episòdis la fornicacion en Occitania entre los sègles IXen e XIIIen.

L’equipa es en cèrca d’actors e d’actritz pels ròtles principals. Devon aver de conversacion, una bona qualitat de lenga, una soplesa naturala e la carta de l’IEO.

Los debutants son planvenguts, beneficiaràn d’una formacion de tres jorns organizada per « Pixel Òc ! Òc ! » e enquadrada per Laurenç Lacadia. Serà declinada en doas sessions : « los dialògs dins las scènas d’amor en occitan » e « formacion al brutatge erotic occitan ».

« Coma de costuma, vòli menar un trabalh de qualitat per filmar lo monde occitan, çò fisa Anick Vedèl. Ai la volontat de montar una ficcion occitana que faga de bruch. »

Las cadidaturas (cv e letra de motivacion) son d’adreiçar a www.emplec.con

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *