Micrò-trepador de la manifestacion de Montpelhièr

28 octobre 2015  Lenga, Politica

Manifestacion Anem Òc

Manaset a reculhit lo vejaire d’occitanistas, coneguts o non, sus la manifestacion de dissabte passat.

Pendent la manifestacion Anem Òc, Manaset a mandat una còlha bèla de jornalistes per entrevistar de personalitats sus lor vejaire. Vaquí lo resultat de nòstre trabalh de desinformacion.

Joana Maria Verny : « Mercé a la participacion individuala de darrièra minuta dels membres de la Felco, èrem milierats per carrièras a Montpelhièr. Sèm fièrs de los aver autorizats a venir ».

Boris Caldeuil : « Amb aquela manifestacion, ai ganhat un polit sorire e d’aurelhas bèlas. Soi urós ! »

Caròla Belga, partit socialiste : « Aimi l’occitan, vos aimi. Votatz per ieu ! »

Joan Lois Blanquet : «Cal metre l’accent sul segondari qu’es vertadièrament sinistrat, e que l’ensenhament public es incapable de respondre a la demanda. »

Danis Racamèl : « Me soi regalat, mas i aviá encara tròp de mond. La manif a venir, farai un passa-carrièra tot sol, de l’ostal al burèu, e agacharai tot sol un DVD de la Pèira Doça. Aimi de faire çò que vòli ! »

Felip Maurèl, socialista dissident : « Aimi l’occitan, vos aimi. Votatz per ieu ! »

Valentin Esteve, telejornaliste : « Sèm fièrs de nos, nòstra sonò èra mai fòrta que la dels politics ! »

Gerard Malonesta, ecologista : « Aimi l’occitan, vos aimi. Votatz per ieu ! »

Brunisendra Saltièr de Montpelhièr : « Tròòòòòòp plaaaaaan ! Adòòòòòòòri ! Coooool ! Vai-s-iiiiiii ! »

Domenic Rainal, les républicains : « Aimi l’occitan, vos aimi. Votatz per ieu ! »

Patric Dos, ex-director de l’Estivada ® : « Aimi l’occitan, vos aimi. Votatz per ieu ! »

Plamenç Quech, jornaliste escrit : « Que cau legir la setmana que tot es en que gascon que lo lengadocian que n’ai un fasti ! Qu’i parlarèi de la manifestacion que mon jornau que parla de çò que vòli, qué ! »

Damian Galari, president del Consèlh General Departamental : « Aimi l’occitan, vos aimi. Votatz per ieu ! »

Caganis Çayest, director del DIRÇÒC : « Al DIRÇÒC la setmana que ven, serà projectada l’integrala de « Anem Òc sang e aur », la seria sus l’organizacion de las manifestacions occitanas dempuèi Carcassona. Accion, traïsons, intrigas e sèxe amb la lenga, tot i es. Un debat seguirà. Venir casquat. »

Pèire Joan Daval, candidat etiquetas divèrsas : « Aimi l’occitan, vos aimi. Votatz per ieu ! »

Fred Mistral, poèta : « Sèi fièr dé partissipa à naquesto manifèstassiou de masso que m’a fai sourtir de moun ataüc que mi faou caga de loungo ! »

Francés Païsbàs, president : « Aimi l’occitan, vos aimi. Votatz per ieu ! Se soi elegit, preni l’engatjament de faire ractificar la carta europèa de las lengas regionalas e minorizadas. »

Gilabèrt Vertadièr, president del Congres Remanent de la lenga occitana : « Recamparem de lingüistas d’Occitania tota per saber se cal dire « Anèm Òc » o « Anem Òc ». Responsa dins cinc ans. La soscripcion per l’obratge de cinc cent quaranta sièis paginas fòra anèxas es dobèrta sul site locongres.con ».

David Claudibèl, conselhièr regional : « Qu’aimi l’occitan, que vos aimi. Votatz per ieu ! »

Maria Caltarèl, regenta de Calandreta : «J’suis en vacanc’s, v’s allez pas m’fair parler occitan ? »

Melania Rodez, professora : « N’ai vistes, de pès, gaireben 30 000, mas de polits coma los mieus, pas un ! »

Robèrt Rocafòrt, MODEM : « Aimi l’occitan, vos aimi. Votatz per ieu ! »

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *