William Perez : mesa en examèn imminenta

2 novembre 2015  Cultura, Societat

William Perez

Lo cantaire William Perez, escapat dels Estats Units, poiriá èsser mes en examèn per trafic internacional.

Rampèl dels faits : lo cantaire conegut William Perez es estat interpelat a Atlanta, en possession de doas valisas de CD de Du Bartas, tre la davalada de son avion en provenéncia de China. Per l’intermediari de son avocat, aviá pretendut que lo contengut de las valisas li èra desconegut, e que qualqu’un aviá segurament plaçats los CD a son insú.

Suspiçonat de trafic de CD musicals, èra estat daissat en libertat aprèp lo versament d’una caucion. S’es evadat dels Estats Units en companhiá d’una misteriosa « Maire Antoèna » que d’unes pretendon qu’es un nom codat.
Arribat en Occitania, a fait saber per l’intermediari de son avocat que se teniá a la disposicion de la justícia.

« Mon client a pas jamai crompat, vendut ni mai escotat un sol CD de Du Bartas. Es innocent e avèm fisança dins la justícia de nòstre país per faire lo lum sus aquel afar. », çò declarèt l’òme de lei.
Segon de sorgas seguras, la mesa en examèn per trafic agravat de CD Bartassians seriá mai que pròcha.

3 Responses to William Perez : mesa en examèn imminenta

  1. Pascau says:

    Ne la compreni pas briga aquesta… Que dèu parlar de quauqu’un qui ne coneishi pas. En tot cas la fotò qu’ei hèra artistica.

  2. Pascau says:

    Ne sabèvi pas qu’avèn jogat aus EEUU.

    La classa!

    Que serí curiós d’escotar la musica de William Perez adara!

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *