Setmana plan cargada tà la POP

29 novembre 2015  Societat

Polícia Occitana de Proximitat

Aquesta setmana, la Polícia Occitana de Proximitat que miè hèra accions en l’encastre de l’estat d’urgéncia.

La Polícia Occitana de Proximitat non caumè pas aquesta setmana. Après los atemptats, que’u calè miar uas accions antiterroristas d’urgéncia. La purmèra qu’estó ua perquisicion dens tots los maines de produccion de vin deu juransonés. Que’s sasín de haut o baish 2500 botelhas suspèctas.

La POP qu’intervienó puish dens los restaurants de l’aglomeracion paulina, on tastè cada plat tà verificar que non èran pas emposoats. Enfin, tà uei dimenge, qu’an previst d’anar a las cadenas umanas tau climat, tà verificar que las gojatas qu’i participan non amaguen pas armas dangeirosas dens los lors pòrtapopas.

Manaset non pòt pas que saludar la consciéncia professionau de la brigada.

Fòto : Paraulas en Òc

One Response to Setmana plan cargada tà la POP

  1. Panamondin says:

    Per un monde mai segur votatz la perseguida de l’État d’urgencia!

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *