Vòlon un labèl novèl per l’agricultura

4 avril 2014  Economia, Societat

Pesticidas

Manaset es anat al rescontre de Marc Almèl, angles actiu e agricultor dins Gers, fondator de la FRAJE (Forum dels Regionalistes  Agricultors que se Jaison sus l’Environament), una associacion interprofessionala qu’a per vocacion de faire conéisser las practicas de l’agricultura exagerada.

Manaset a rescontrat aquel òme excepcional per lo faire parlar de son associacion e per li faire explicar sas idèas :

Manaset : Podètz explicar al public grand la vòstra demarcha ?
Marc Almel : Avèm ensajat de nos recampar a l’entorn de nòstra enveja de plan integrar l’agricultura dins la modernitat d’un país liberal. Demandam, a l’instar de l’agricultura rasonada, de beneficiar d’un quadre legal. Ela n’a un en Occitania amb l’article L.640 3 del Còdi Rural decret n°2002-631 paregut al jornal oficial del 28 d’Abrial 2002.

Manaset : Es un trabalh de longa alenada, de còla, cossi fa lo monde per dintrar dins aquela associacion ?
Marc Almel : Avèm una carta que nos definís e que precisa las modalitats per faire partida de la FRAJE. Per exemple cal aver un terrenc d’almens 10 000 ectaras, emplegar de sasonièrs cada mes, aver ja un malhum amb d’entrepresas de productes quimics, aver un sosten financièr public e privat, d’aver de resulta, etc

Manaset : De qu’implica de dintrar dins aquel cercle ?
Marc Almel : Es un engatjament a respectar, un biais de pensar e de trablhar. Cal aver una vision a long tèrme, o avèm constatat quand avèm volgut faire desaparéisser los nosibles coma las abelhas, lo camin es long mas avèm bon esper. Es tanben una volontat umanista, las relacions entre las maquinas e l’agricultor devon èsser al melhor e es lo trabalh de tota una còla : lo cap d’entrepresa, lo DRH, lo coach agricol e lo trabalhador. Nos progetam dins l’avenidor e ensajam d’èsser al mai pròchi del progrès per exemple favorizam los pesticidas, la cultura asexuada de tornar plantar cada an, trabalham sus una sola varietat per agricultor…

Manaset : Cossi lo mond vei aquela forma d’agricultura ?
Marc Almel : Sabètz, trabalham del costat del consomator, avèm dins l’associacion la còla marketing qu’es a la punta per o faire. Puèi lo mond compren plan que cal manjar corrèctament, es a dire aver quicòm qu’es de bon cruscar, de bon mastegar, de bon trissar, de bon digerir, de bon cagar. Sens aver de se preocupar de question de gost, de prètz, d’environament. Fasèm al mai simple per la maire que vòl faire plaser a sa familha.

Mercejam Mr Almèl per son energia e son positivisme dins un mond que ne manca plan.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *