Lo 1000en cors d’occitan pels vièlhs ven d’obrir

6 avril 2014  Ensenhament, Lenga

Cors pels ancians

Lo malhum nacional dels cercles occitans s’es felicitat quand « Aprenem l’Occitan » li a transmés la novèla : a la debuta d’abrial s’es dobèrt lo 1000en cors de lenga pel tresen atge.

Se debana a Sant Gèli, dins Gard, cada dimars de 10 oras a 11 oras del matin. « Aqueste orari permet de destriar lèu lo public », explica Enric Valalièr, president del cercle occitan local. « Normalament, fòra los retirats, pas degun es disponible a aquela ora. Solide, i a totjorn la risca qu’un estudiant siá liure lo dimars de matin, mes las tematicas causidas e la pedagogia aplicada lo deurián dissuadir pro lèu ».

Dètz TV deuriá lèu ausir parlar d’aquela desmarcha onorabla. Sembla solide que nominaràn Enric Valalièr per la Cogorda dels melhors non-transmeteires de lenga, tre que seràn al fial de sa participacion a la causa.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *