Préner còps de martèth suu cap que haré víver mei vielh

5 avril 2014  Sciéncia

Martèth

Segon ua equipa de cercaires de l’UPPA (Universitat de Pau e deus país de l’Ador), estar expausat d’un biaish regular a còps suu cap que perlongaré la durada de vita.

La publicacion deu darrèr estudi deu laboratòri « Palhassa » que’n susprenó mei d’un. En efèit, aqueth que demostrè que los còps suu cap e pòden har vàder mei vielh. « Qu’ei ua conclusion susprenenta mes logica », ditz l’estudi.

Explica que lo tust d’objèctes contondents contra lo cervèth e provòcan la mort de nombrós neurònas. Trucs repetits que hèn doncas vàder mei pèc.

Dens un dossièr hèra seriós de psychologies.com, Inès de la Fressange, estilista, e rapòrta que « l’intelligéncia ne hè pas vàder urós, pr’amor que desvolopa l’esperit critic e que balha ua vision deu monde meilèu negra ». Doncas, estar mei pèc que permet d’estar mei urós.

Qu’ei estat provat que l’arríder, en lutar contra l’estrès, pòrta ua longevitat mei bona. Quan èm urós, qu’arridem mei. « Doncas, trucs regulars suu cap que permeten de víver mei longtemps », conclutz l’estudi.

Ua bona navèra taus boxaires, taus rugbimens e taus espetaires de pastècas.

One Response to Préner còps de martèth suu cap que haré víver mei vielh

  1. Jausèp says:

    S’ei atau, que’m vau tustar lo cap entà arribar tau camin de l’urositat XD

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *