Destroçament d’un malhum de terroristas irlandés en Aquitània

4 avril 2014  Monde

GIGN

L’IRA CIONAU visava l’importanta comunautat britanica d’Aquitània e sei possessions.

L’IRA CIONAU (Irish Republican Army – Communauté irlandaise d’Outre-mer Nationaliste Anti Unioniste, segond son nom francés) s’es fargada dins lei nombrós establiments irlandés dau còr de vila de Bordèu. Sei recampaments se fasián totjorn en d’oras precisas, entre 18h et 22h sota lo nom escondut d’Happy Hour, onte recrutavan totjorn que mai, se servissent de l’arcòl pauc carivend per enrotlar de predas eissudas dau mitan deis estudians girondins.

Sa tòca èra de far petar lei residéncias dei « colons » britannics per portar la batèsta per restacar l’Isla d’Irlanda en una sola entitat au còr d’Aquitània. Demandavan tanben que la carriera Saint James de Bordèu prengue lo nom de « Naomh Séamus ».

Lo menaire d’aquest grop, Marçau Carraigher, es estat mandat en detencion provisòria e sa colleccion de Whiskey sasida per analisi.

L’establiment ben conoissut de re-integracion per lo trabalh de la Villa Rouge a Montpelhier s’es prepausat per aculir leis inocents enrotlats de fòrça dins aquela entrepresa terrorista. S’es tanben declarat interessat per recampar la collection de Whiskey de Marçau Carragher, dins l’espèra de son jutjament.

Lo PNO declara qu’a ren de veire dins aquel afaire.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *