Per una lenga que va de pertot !

8 avril 2014  Cultura, Economia

Film pornò

Aprèp d’aver far lo bonur dels colleccionaires de camisòts e de bonetas, l’uninacionala Racamèl Corp. dobrís una novèla franquesa, que serà especializada dins la produccion e la distribucion de films pornografics en occitan.

« L’idèia nos en vengudas en charrant amb de grands intellectuals del mitan, que nos fasián avisar a prepaus que la metjana d’edad totjorn que mai auta dels locutors d’occitan èra invèrsa a l’activitat sexuala generala de l’ensemble dels militants (malgrat los esfòrces meritós de qualques uns). Sem aquí per o tornar dinamisar e per far tornar la lenga dins los lièits! » nos ditz Dinars Encornet, lo President-Director-General e Estilista en cargas de totas las colleccions de Racamèl Corp.

Lo partenariat establit amb la Facultat de Montpelhièr deurà tanben ajudar los estudiants a trapar de novèls desembocats despuèi que los pòstes del CAPES demòran blocats a quatre. La directriz, Maria Joana Embarnís, nos ramenta sa vòlha per lo projècte : « Cal anar totjorn mai pregond dins l’utilizacion de la lenga. Robèrt Lafònt e Max Roqueta, qu’ailamont nos agachan, pensavan pas diferentament del temps benesit del Larzac ».

Al meteis moment, avèm aprèp la partença de Calmant Picha de son pòste de Cap-Redactor de la Septimana, nòstre amable concurrent, sènsa cap mai de precizions.

La primièira produccion de Racamèl Corp. es esperada per lo festival off de la Destibada venènta.

Lo PNO declara qu’a ren de veire dins aquel afar.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *