Un gerent de camping a una idèia d’engeni per se salvar de la falhida

7 avril 2014  Economia

Mainatge

Coma podiá pas pus pagar d’agents per far lo mainatge, a decidit de far pagar als toristas d’estagis d’estiu de suènh de l’ostal.

Es un amic viticultor que ne li a balhat l’idèia en fasent pagar lo public per vendemiar. Coma podiá pas pus despensar per l’entreten de sos bungalows, Louis Bourrières a mes en plaça un sistèma fòrça engenhós per salvar son camping de Valras-Plaja.

Dempuèi l’estiu passat, prepausa als toristas çò que sona « estagis d’aprendissatge del suènh de l’ostal ». Pendent una setmana, lo mond son iniciats al manejament de la balaja, a la causida dels divèrses produits d’entreten e a l’utilizacion mai eficaça possibla de las pelhas.

Per la modica soma de 400 euros, poiràn apréner a tenir un ostal d’un biais perfièit e, a mai, faràn d’exercici per gardar la linha. E Louis Bourrières a resolgut a l’encòp sos problèmas de tresaurariá e sas dificultats a pagar los salaris.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *