Una barriòta solara mesa al punt a Rodés

8 avril 2014  Sciéncia

Barriòta solara

Coneguda per sas solucions originalas, l’entrepresa Sol et Jardin de Rodés ven de metre al punt una bariòta solara. Los jornalistas de Manaset son anats enquistar.

Aquesta jardiniriá comercializa dempuèi pauc una barriòta solara. Aprèp d’annadas de recèrca, lo cap d’entrepresa dinamic desvela lo darrièr nascut de sos modèls de barriòtas.

« Es una barriòta equipada d’un captor fotovoltaïc de poténcia redusida. D’efièit, i a pas de besonh d’una poténcia elevada coma per una veitura o un batèu per exemple. Aquò me permetèt de montar un panèu de susfàcia redusida que daissa tota la plaça per carrejar d’afars. »

Leugièra, d’encombrament normal, aquela barriòta rendrà los meteisses servicis qu’una barriòta normala, amb demai un subrepes sens consequéncia.

« Autre avantatge, çò preciza Claudi Lafarga, l’inventor d’aquela bariòta, se poirà utilizar quitament los jorns de pic de pollucion, çò que compta quand òm a de causas de carrejar urgentament. »

En cas d’utilizacion nocturna, o los jorns de pluèja, se poirà totjorn montar las batariás recargablas fornidas pel constructor amb la bariòta.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *