L’euskarra enfin obligatòri hens escòlas d’Aquitània

9 avril 2014  Monde, Politica

Euskara

Comunicat deu ministere de la cultura francesa : Lo ministre de la cultura Laurent Fabius qu’a trencat uèi. « Ne podem pas deishar ua lenga desaparéisher d’un territòri tan cargat d’istòria », digó. L’euskara, lenga de la republica, dèu estar valorizada hens lòcs on s’abaisha. Ende la preservar que cau lei de las mei duras.

Aquera avançada qu’ei vasuda possibla pr’amor deu cambiament filosofic e politic que travèrsa l’exagòne, e mei particularement pr’amor deu deputat europeenc locau JL Melenchon, elegit deu gran sud-oest. Qu’a plan trabalhat e sostengut la soa region que conéish tan plan. Que redigí un rapòrt parlamentari de centenats de paginas que muishan lo besonh e l’espèr de la populacion sus aquera question.

Uèi enqüèra, toristas ne comprenen pas la vergonha de l’abséncia de l’euskarra hens lo maine public de mantuas ciutats de la region. Que sia hens las vaths pireneencas, sus las plajas d’Òssagòr, hens la vila de Dacs, on la lenga s’es estujada ? La vergonha que tòca enqüèra aqueste pòble au son còr e ne gausa pas reivindica’s basco.

Urosament, la fiertat se pòt exprimir dab estickers. Sus hèra de veituras 33, 40 o a l’est deu 64, drapèus d’Euskadi se pòden véser pertot capvath la region.

L’euskara poiré estar la prumèra lenga au sud de la Garona e vàser oficiau sus tot lo gran sud-oest. Qu’espèram que’us detractors de las lengas minoritàras ne hassan pas tròp cagar. Las populacions alienadas an dret a las lors lengas desbrombadas.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *