Un grop novèl de musica per sordanhas : Carnsalada é Vinclaret

18 avril 2014  Cultura

Carnsalada e Vinclaret

Dos musicians de la banda de musica festiva « La Pisse à Ladière » venon de fondar lo grop per sordanhas : Carnsalada é Vinclaret.

Lor causida : favorizar per una minoritat doblidada l’accès a las culturas minorizadas. Manaset los a rescontrats a la carnsaladariá de Capestanh.

Manaset: Quin estile de musica jogatz ?
C & V : Jogam de musica occitano trado jazzo blues.

Manaset: Quines instruments utilizatz ?
C & V : Ieu, Carnsalada, jògui d’Epinette des Vosges e mon companh Vinclaret jòga d’orguena de Barbaria. Amai, tusti amb los pès sus una boista de caussaduras per lo ritme.

Manaset: A qual s’adreiça aquela musica ?
C & V : A totes, subretot als dançaires. Mas avèm pensat tanben als sordanhas, e i aurà dins lo disque una video amb los jostitolatges en lenga dels signes.

Manaset: A ! Coma sus la pocheta del CD ?
C & V : Es aquò, avèm pensat que i a pas de rason que los sords pòscan pas beneficiar de la nòstra musica. Lo jostitolatge donarà las paraulas de las cançons en lenga dels signes, mas tanben d’indicas musicalas amb las particions de l’epineta e las bandas de l’orguena de Barbaria que veiràn defilar.

Manaset: Una mena d’ajuda entre minoritats ?
C & V : Òc, es aquò.

Manaset: Una virada prevista ?
C & V : Òc, anam entemenar una virada granda que nos menarà de Besièrs a Capestanh en seguissent lo canal de Riquet. Nos arrestarèm dins totas las vilas traversada entre los dos.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *