La Setmana que lança ua formacion taus jornalistas parisians

8 mai 2014  Ensenhament

Formacion

La Setmana, dab lo son títol de sol e melhor setmanèr d’informacions en occitan, que lança ua formacion au jornalisme provinciau taus mèdias parisians.

Tots los lectors e auditors provinciaus qu’an dejà avut a sofrir de la dificultat d’aver informacions non-parisianas suus mèdias nacionaus. La Setmana qu’a decidit de s’atacar ad aqueth problèma en perpausant ua formacion aus jornalistas parisians sus la premsa taus provinciaus.

« Que perpausaram dus estagis d’ua setmana », çò digó Plamenç Quech, lo cap redactor deu setmanèr. « Que s’adreçaràn tant aus jornalistas radio e tele com aus redactors deu papèr o deu numeric ».

La purmèra session que s’intitularà « Qu’existeishen ua vita, ua cultura e eveniments hòra París » e que harà descobrir uns musèus, hestaus o vilas de província.

La segonda que serà ua session d’apregondiment. Que perpausarà moduls mei especializats :
– Anonciar un eveniment : precisar la vila on e’s passa, qu’existeishen plaças Charles de Gaulle hens autas ciutats deu monde
– A7, A8, A9 : N’i a pas de sens nòrd-sud sus ua autopista qui va d’èst en oèst
– Se ua sola zòna escolara ei en vacanças lo dia de Pascas, Pascas ne cai pas pendent las vacanças
– Sostitolar o non : quan un indigèn e parla francés ?

Aquera formacion que permeterà segur de mielhorar lo nivèu de l’informacion dens l’exagòne. Ua iniciativa de las bonas deus nostes confrairs.

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *