La fèsta de la musica perimada regaudirà vièlhs e vièlhs

5 mai 2014  Cultura

Fèsta de la musica perimada

La fèsta de la musica perimada se tendrà al teatre de la Cuitat de Carcassona lo 22 de junh de 2014.

L’associacion Quiqueriqui le Shan du Gal torna organizar la fèsta de la musica perimada. Coma de costuma, aquela fèsta fa la promocion dels cantaires e duòs perimats, en direccion d’un public vièlh. Aquela fèsta se fa amb lo sosten del Festenal de Carcassona, Bastide Matériel Médical, La Tisanière e Audika. A la fin de l’espectacle, un tè dançant serà ofèrt per la municipalitat.

Josefina, encargada de  la reclama de la fèsta, nos declara : « Avèm causida la Ciutat qu’es venguda ara una reserva plena de comèrcis de rafatalhas en plastic, de restaurants falsament autentics. Per respectar lo luòc, caliá una animacion que despare pas l’imatge de la Ciutat. Avèm estudiada la programacion dins aquel sens, amb un comitat dels legeires de « Notre Temps ». Aquela fèsta de la musica perimada sentirà bon a naftalina. Esperam un public vièlh e fortunat. Restauracion possibla a l’Hôtel de la Cité. »

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *