Una partida de la sèlva de las lanas reboscada amb de palmièr a òli

11 juin 2014  Economia

Palme

Lo grop internacional Golden United International Transactions ven d’obténer l’autorizacion de remplaçar 697 ectaras de pinièrs endomatjats per la tempèsta dins Lanas per de palmièrs a òli.

Una usina de tansformacion serà bastida a Soston qu’emplegará un centenat de personas. Lo grop compta  s’apiejar sul saber faire local per adaptar lo biais de cultivar dels païses actualament productors a la realitat del terrèn.

Manaset a entrevistat Matthew John Morgenleaf, PDG de Golden United International Transactions, per ne saber mai :

Manaset : Perque avètz decidit d’alargar vòstra zòna de produccion a las Lanas ?
Matthew John Morgenleaf : Doas rasons nos an convencuts : l’espandi forestièr a dispausicion e lo saber faire local.

Manaset : Volètz dire que lo pinièr a quicòm a veire amb lo palmièr ?
Matthew John Morgenleaf : Un pauc. Cal, per optimizar la produccion una vasta region forestièra sens zònas d’abitacion. E pensam que lo mercat local pòt absorbar una part de la produccion.

Manaset : Per fabricar de pasta a tostar ?
Matthew John Morgenleaf : Non pas. Pensam que l’òli de palma pòt remplaçar la graissa de guit dins la cosina landesa. Anam sul pic entemenar una campanha per mostrar los mesfachs de la cosina locala sus la qualitat de vida e l’interèst que vendriá de l’usatge d’òli de palma.

Manaset : Mas es probat que las gents d’aquí que consoman de graissa de guit a mens de malautiás cardiò-vasculàrias que non pas las autras.
Matthew John Morgenleaf : Aquò es pas qu’una question de comunicacion, e anam nos emplegar a probar lo contrari.

Manaset : Pensatz arribar a convéncer lo monde d’abandonar la cosina tradicionala ?
Matthew John Morgenleaf : Òc. Pen sam de lançar un concors sus « Òc Tele » del melhor cosinièr palmiste. Serà demandat d’adaptar las recèptas tradicionalas al mòde de consomacion novèl, basat sus l’òli de palma de segur.

Manaset : Avètz d’autres projèctes sul territòri occitan ?
Matthew John Morgenleaf : Òc. Prospectam a l’ora d’ara per remplaçar la cultura de las mongetas en Lauragués per una varietat de sojà dita « sojà a cassolet ».

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *